جنت كَبلك مريض وكَلبي تعبان
جنت كلسه طبيب وضغطي بركان
شفه كَلبي استراحيت
واحس آني تعافيت
*************
جنت كَبلك احس الدنيه دولاب
تفتر بيه وآنه بعتبة الباب
اداوي جرح يطلع جرح عطاب
كلهه اتطيب من اقرأ القرآن
**************
جنت كَبلك اعيش اهموم بهموم
طبيبي احتار بيه وكَلي لتصوم!!
تحديته وكَلتله الدنيه متدوم
صِمتْ وتفتّحت للصحه بيبان
*************
نعم (صوموا تصحوا) مجربه هاي
يطيب العلّه ربك مايظل داي
اذكر كربله من اشرب الماي
سلام الله عله اللي مات عطشان
***********
مايبقه مرض من تفطر يروح
بصلاتك وبدعائك تهدأ الروح
وبوكت السحور تطيب الجروح
وصلاة اليل تطرد الف شيطان
***********
بحق رمضان ياربي يمعبود
فرّج يا إلهي عن الموعود
جود اعلينه بالقائم ابو الجود
ياخذ ثارنه ويرهب العدوان
ابومحسد النجفي
jlkdj hggdhgd ;gii vlqhk>>> jrfg hggi wdhl;l