[حسيني الهوى]

مغرم وأزور من البعد وأدري البعد ياذيني
گضّيت عمري بغربتي وضاعت هباء سنيني
بالغربه عايش بس جسد وأشعر نقص تكويني
وچن روحي لسّه بكربله لازالت تناديني
شنهو الجنيته بغربتك شو دگعد وحاچيني
وألمس جوابي بحيرتي لودمعه تذرف عيني
وأركض ودگ باب الوطن وألگه الوطن ناسيني
عطشان أجيت بلهفتي وماي الوطن يرويني
وأرد اعتني لحضرة علي ذاك الحفظلي ديني
وأوگف وأصيحن يل ولي يابا الحسن تدريني
ميّت وأجيت لحضرتك تراب النجف يحييني
وأتمنه كون بحضرتك باقي العمر تهديني
وبالكوثر ومايه العذب يوم العطش تسگيني
وأرجع وأروح لكربله شمّة عطر تشفيني
وبحسين الوذن وأنتظر يوم الحشر يحميني
وأتمنه كون بكربله موتي وتغمّض عيني



[IMG]https://s*******-a-fra.xx.fbcdn.net/hphotos-prn2/t1.0-9/971461_510889072298389_344102157_n.jpg[/IMG]