((((((المصيبه ألأولى ىشهادة الرسول والزهراء ع))))))
@==============@
يكلي عاذلي شمالك تون وتنـوح=تذكر كربله وتلطم على المذبوح
بهاي أتفرق ألأمه وتهيج جروح=وأحنه نريد نتوحد ونتـــــــجمع
======
من اذكر كربله كتله أذكــر المختار=وبذكر النبي يعني اذكر الجبار
إذن ذكري عباده ومـــا عليه أغبار= بذكرهم اذكر القهار والمبدع
=======
كال أنت شــــــــدهاك أدورالزلات=ذيج سنين راحت ونكضت دنياك
كافي لا تضل تصرخ ألف هيهات=يصاحب لا تضل للمـاضي تطلع
=======
أدري بصرختك هيهات أنت تريد= تثورعل الظلم وتعري ربع يزيد
محتاجين احنه هل وكت توحيد= بطل هل الكلام يهيج الموجــــع
======
كتله بهل قضيه ويــــــاك متفـقين=واجب نتحد ونعلي أســم الدين
لاجن عاذلــــي لا تغمض العينين= لا تقبل مذله ألهــــــامتك أرفع
======
كال آني عزيز وأملك الــدولار=ونفطنه يجري بالصحراءعدنه نهار
جاشلي بعد بالمصطفى المختار= والميت يغافل بعد مــــــــــا ينفع
=====
محمد مات كلي وماتت ألآيــــــات=كتله مشتبه حيّ النبي مـا مــــات
النبي عد ربه عايش ساكن الجنات=يشوف أعمالنه ويشاهد ويسمع
======
كال أنسه القضية لاتضل مهـموم=بعد شيفيد نوحك عل كضه مسموم
كتله المصطفى ساكن دليلي دوم=عن نوح النبي لا تعتـــــــقد أرجع
=======
ولونفرض يعاذل ننسه ذاك ليــــوم=نتناسه السقيفه وفعل ذيج الكـوم
يضل ضلع الزجيه عليه شاهد دوم=ويحَرّك ضمير العالمــــين أجمع
=======
تريد أنسه الجنين الي سكط بالـباب=لو أنسه الوديعه ما عليـه أحجاب
ما انسه الثدي من أم الحسن ينعاب=لون محسن عدل بيمن بعد يرضع
=======
ما انسه الزجيه وأنسه ذاك الحــال=دم ضلع الوديعه ينزف وســـــيال
أجت تطلب أرثها الغصبته ألأنـذال=راحت للخليفه تريد تشـــــــــــفع
======
ألخليفه مُفترض بي حُجة ألإسـلام=والمفروض عنده الناس ماتنضام
ليش يسبب البنت النــــــــــبي آلام=ويعرف فاطمه السر ألله مستودع
=====
رد كال الخليفه يحكم بإلهـــــــــام=ويعرف صادقه بت سيـــد ألآنام
الرجل ملهم من الله يطبق ألإسلام=يريد يثبت الحك جان متـــــورع
=======
كتله لا تضل يا عاذلي مكرود=الخليفه بهل حكم عنده هدف مقصود
يعاذل ليش كال اله أريد شهود=تثبت دعوتج وبمحضري توقــــــــع
======
متثلت فاطمه بنت النبي المختار=جابتله الحسن وحسين والكـــرار
وياهم أم أيمن تشهد على الصار=منهم كل فرد من النبي سامــــع
============
كال أله علي ألقرصه يجر النار=عجميه أم أيمن ما تعرف شصار
والحسنين ذوله عل شهاده زغار=شهادة من الطفل ماتنقبل ترجع
=======
لأن جان الرجل ما ينغلب فنـــان=راضع للخباثه بثدي أبو سفيان
إذا أرجع فدك للزهره والحسـنان=ترد تطالبه بحك الوصي ألأنزع
===========
اعترف كال الحقيقه وياك ما تراف=أدلتكم قويه الناقليه أشراف
لاجن صاحبي لا تذكر ألأســــلاف=احنه هل وكت نحتاج نجمع
========
كتله تريد ننسه هجمة ألأشرار=على بيت الزجيه وما عليه أستار
ما ننسه الحطب وجوه باب الدار= والمجرم عصره وكسر ألأضلع
======
ماتت فاطـــمه بت سيد السـادات= من أهل السقيفة شافت الويلات
عليهم غاضبه ماتت تجر حسرات=يابأس الصحابه وبأس هل مجمع
@================@
((((((المصيبه الثانيه شهادة الإمام علي ولإمام الحسن ع))))))
@============@
بعد هذا تعال أنروح للكـــــــوفة=ننشد عن علي ونتحره معروفــــه
بلجت يحجي المحراب سالــوفه=شلون المرتضى كبل الفجريصرع
=======
محراب الصلاة يحجيـلك ألأسرار=موشخص المرادي صاحب التدبار
من يوم السقيفه ذبحـــوا الكرار=وبدئت سنة المختار تصــــــــــــدع
=======
ماننسه الوحي جبريل حين ألصاح=نذبح رمزالعداله وكوض ألإصلاح
أركان الهدى تهدمت هل مصــباح=وشداد ألسبعه كادت تهتز وتوكـــع
=======
يعاذل خل نرد لرض ألمدينه نروح=ونشوف الحسن بين ألأهل مطروح
خل نساعد حسين ونجيم النـــــوح=خل عيونه مــــــــــــن دم تهل مدمع
=======
يعاذل خل نروح أنشيع المسـموم=ونشوف شجره وشصار ذاك اليوم
منعوا يندفن يم جده المظـــــــلوم=وراكبة الجمل عن الدفن تمــــــــنع
======
على ألبغله ركبت وتحشم بمروان=لفاه أبن الطريد مفرع ولهــــــفان
عد عيناج كال ألها يبت فــــــــلتان=وسهام النذل وسط النعش ترتع
=======
ثارت غيرت العباس كالنـــــــيران=سل سيفه بيمينه وعىتنه المـروان
صاح حسين ياعباس ياريســــان=خل سيفك بغـِمده بكربله يطـــــلع
========((((المصيبه ألثالثه واقعة كربلاء )))))========
(((((مصرع علي ألأكبر (ع))))))
=============
مصايب كربله مــا تنحسب بحساب=جثيره وشيبت كلب الطفل والشاب
من عظم المصايب كلب زينب ذاب=حتى العين جفت بعد مـــــــا تدمع
=====
يشيعي تصورا ألحاله بكلب مالوم=لا تنسه الوداع ألــصار ذاك اليوم
بين حسين ولأكبرعلي الجيـــــدوم=وليلى تعاين ألحاله وتهل مدمع
==========
مـــن بعد الوداع تعنه للحومـــــه=علي يشبه محمد جده برسـومــه
مثل حيدرعلي حملاته معــلومــه=لا جن القدر ياحيف أجه مسرع
=======
نزل للحومه أبواليمه بكلب مهموم=لكه ألأكبرصريع موذرينه الكوم
حط خده على خده وصاح يم جلثوم=يليلى غاب بدرج مابعد يطــلع
=======
لهفي على الغريب من عتنه بهمه=العلي ألأكبريجلب جروحه ويشمه
مـــــــاأنسه العقيله من دنت يمــه=عاف أبنه الشهم ليه ورجع مسرع
=======
ينادي يا عقيلة والـــــــــــدي حيدر=ردي للخيـــــــــم سكـــــتيلي الخدر
أعز خدرج يزينب من علي ألأكبر=يختي اساعه اجيبه وللخيم أرجع
=======
جمّع كُل قواه وحاول أيشـــــــيله=لجن عظم المصيبه أخذ كُل حيله
كلي أشلون حــــــــــال ألوالده ليله=شلون ألأم على فراك ألولد تهجع
======
مصرع القاسم بن الإمام الحسن ع
======
ورمله تندب الجاسم يمـــــاي العين=هذا حسين عمك مابكاله معين
يبني العرس خله وحامي عن الدين=عرسك بالحشريم جدك ألأنزع
=====
لهفي على الشباب بن الحسن جاسم=نزل فرحان للحومه بوجه باسم
برماح وسيوف حتاشة الــــــــــوادم=طاح على ألوطيه وجه يشعشع
=======
(((((مصرع أبا الفضل العباس (ع))))))
======
وعباس الشهم ماراوده كل خـوف=طشره وجمعه يوزع إلها حتوف
مثل نسرالبراري وحدّرعلى أرفوف=لاجن ألأمر من السمه مشــرع
=======
كون أيطيح عباس على المسـنايه=ويطيح الجــــود والجفين والرايه
لهفي على اليتامه التنـــــتظر مايه=ضلت بالخيم تتنطره يرجــــــــــــع
======
لهفي على الكمرحامي الظعن عباس=ما انسه بعمد مهشوم منه الراس
من بعده على زينب جسرت ألأرجاس=شمر بالسوط لمتون الحرم لوع
============
ماأنسه الغريب حسـين لــــمن راح=تمدد يم عضيده والدمــــع سفاح
نكسر ظهري ينادي ونطفه المصباح=بعد ما شوف دربي ولا بعد اسمع
=========
رجع من النهر يتعثر أبهـــمــــــــه=وعقيلة هاشم أبسرعة لفت يمـــــه
تنشده وين أخونه راح أبو الهـمـــه=يكله على النهر يازينب المصرع
======
يزينب راح أخوج الجان ما ينجاس=يزينب عل نهرطـاح العلم والطاس
يزينب خدرج أخلاف الكمر ينداس=وزجر بالسوط لمتونج تره يلـــوع
========
((((((مصرع عبد الله الرضيع (ع))))))
=========
لفت يمه الرباب تصيح راح أحماي=يبو اليمه الخبر زيد علي بلـــــواي
عبد لله رضيعك أيس من المــــــاي=عكب عباس ياهو اليسجي الرضع
==========
لهفي على الرضيع البل مهد مفطوم=شاله حسين عطشان ونزل للكـوم
لجن سهم المنيه بكتره كام أيحـــوم=صابه حرملة بسهم الردى المُفجع
===========
من حس الرضيع أبنـــبلة ألرماي=سال من النحر دمــــــه تصّور ماي
كأني بالطفل يصرخ يصح بــــهاي=يجدي كوم لينه من النجف أفـــزع
==========
الطفل يتصور الدم ماي ويشـربه=رضيع حسين يا وسفه كضه نحبه
أخذ دمه الحسين أوجه الـــــــربه=يصيح الحكم ربي تشاهد وتسـمع
=======
((((((المصيبه الكبرى مصرع ألإمام الحسين (ع)))))
===================
يعـــاذل لاتكلي ليــش حزنانين=مصاب حسين بجه العرش والكونين
بحُب آل النبي الطيبين مأمـورين=بغيرحسين وحشه الدنيا ما تنــفع
==========
ماأنسه الحجرمن صاب وجه حسين=شال الثوب يمسح دمه عن العين
لفاه السهم مسموم ســـــــهم البين=مرد جبدته ومـــن ألكفه المطلع
========
مثلث هل سهم كلب السبط صابــــه=من ظهره طلع وتمزك أحجابــــه
ريته صاب كلبي كبل مـــا صابه=ولا لكلوب آل المصطفى يفجـــــــع
=========
شوصفلك بعد حاله تذوب الروح=ما ننسه الحسين على ألثرة مطروح
مدد بالمعاره من ألكفه مذبــــوح=ركه صدره شمر والمنحره يكطــــع
======
((((((المصيبه العظمى نزول زينب(ع) للميدان)))))
=============
بهل ساعه العصيبه شحال أخت حسين=نزلت للمعاره وتجري دم العين
تمشي بكُل وقارأربات أبو الحسنــــــين=أظنه من الصبرمخلوقه ماتجزع
===========
نزلت للمـــــــــــــعاره زينب بآداب=ما لطمة وجها وفكدت ألألـــــــباب
مثل أمها الزجيه يوم حرك البــاب=نور ألله وجلاله اله صبح بركــــع
========
نشد عنها أللعين وكال هاي منين=كالوا بت علي أخت الحسن وحسين
آمر جيشه عنها ينفرج صـــوبين=لأن يعرف عقيلة حيـــــــــدر ألأنزع
==========
يعرفه عقيلة هاشم وعدنـــــــــــان=خيال اله العقيله بالحلم مــــــــا بان
لاجن يا ألف وسفه الدهر خـــــوان=يغدر بالشريف وللــــــــــنذل يـُرفع
=======
وصلت للذبـــيح ورفعة بهـــــــــــداي=ألهي أقبل هديه من رسـولك هاي
ألهي أنجان حاكم أنسبي وي أعداي=طوع أمرك ألهي الحكمتك نخضع
=======
ردت بت علي وشافت سنى النيران=بخيام الرسالة وحركت الصــيوان
والأيتام تفتر بالخـــــيم ميــــــــدان=تنتظر ألأمر يصدر مـــــن المرجع
=======
أجت أم الحزن وتهل دموع عـبار=تريد تخلص السجاد مــــــــن النار
تنادي ياعلي يبـن الوصي الكرار=لفتنه الكوم كلي ياعلي شـنصـنع
======
كال ألها يعمه عوفي الصـــــيـوان=وأخبري طفالنه خل تظرب الوديان
سلمي أمرج يعمه الواحد الديان=بالمرصاد ربنه ينظر ويسمـــع
============================
((((((العقيله (ع) تحشم أبوه(ع)))))
=================
بعد ساعه الشمر لن يصرخ بصوته=يزينب لليسر كومي هلج موته
نادت ياعلي يونس وسط حـــــــــوته=وحظرته ياعلي الزينب تعال أفزع
=============
عرش بلقيس جبته للنبي سليــمان=من أرض المدينه حضرت يم سلمان
هذا حسينك العريــــــان والعطشان=مدد عالثره وراسه بـــــــرمح يُرفع
===========
عفه صبرك يحيدرما أجيت أشلــون=يبويه حسين ضل بكربله مـــرهون
ثلث تيام فوك الغبره مــــــــا مدفون=على جسمه الوحوش تصلي وتركع
============
((((((((((دخول السبايه للكوفه))))))))))
========
يعاذل لاتظن ننــــسه المشن يســــــره=ومــــن بعد الكفيل ألهن زجر يبره
ما ننسه العليل اليسجب العبـــــــــــــره=بسكوت الدمع مـــــن ناظره يطلع
=========
لهفي على الحرم من طبن الكوفــه=ربات الخدر بحـــــــــــبال مجتـــوفه
نغل مرجانه مرتاح على هالشــوفه=وألمبسم حسين مســــــطره يقـــرع
===========
لهفي على العقيله مجلس أبن أزياد=يشتمه النغل وبمحضر السجاد
بكُل حكمه العقيله ردت ألجــــــــلاد=أتبوء مقعـدك بسفل درك توكع
(((((((((السبايه في طريق الشام))))))))
=========
من الكوفه سره الحادي بظعن أيتام=يسج الليل مايرضى اليتامه تنام
يريد يزف خبر ليزيد طاغي الشــام=رجس ما يرحم ألأطفال والرضع
=======
على هذا الحال والحادي طلع مسرع=بليل ظلم لعد كلب الحرم روع
يحدي بصوت عالي ويشـــتم ألأنزع=من تبجي الحرم لمتونه يقرع
======
بطريق الشام طفله من الظعن طاحت=يحادي العيس تانيني برعب صاحت
بلله لا تعوفـــــــــــوني وهلي راحت=خذاه البين وصواب الدهر يوجـع
========
عجيبه راس أبـــــــوه يرتكز بالحين=نتخوله من الزلم بل قوه موصوفين
ولا واحد كدر يرفــــع الراس حسين=ذبوا كل جهــــــــــدهم لنَه ماتنفع
==========
راحوا نشدوا السجــــــاد محتارين=أرتكزبالكاع رمح الشال راس حسين
نشدهم وين أبويه شابــح العينين=طفله لو طفل مـــــــــن الظعن واكع
=======
ساعه وسمعوا ألطفله بحزن وونين=تنادي وين عمي وين أبويه حسين
نادته العقيله بســــــــــج تعتــــبين=أبوج حسين راسه عليج يتــنوع
=======================================
(((((دخول السبايه للشام)))))
==============
طبوا للشئام وبـيه شافواعــــــــــــــيد=جهال بجهلـــــه تفرح أوي يزيد
مزمار وطبل تصــــــــــــــافح أيد بأيد=مرتاحه البهــــــــائم تاكل وترتع
=========
من شاف أليساره أيزيد بالديــوان=ناده بكل وقاحه ألجده أبـــوسفيان
أخذت الواحد بسبعين مــن عدنان=راس حسين هذا بالدم ملـــــــفع
========
زينب نادت بحسره وكلب مكـسور=يجدي أفزع علينه أمت يا منصور
يزيد ينادي بشيوخه بفرح مسرور=وبناتك بالهضم يالمصطفى تكــبع
================
صاحت يــــا يزيد أعلينه تجـــسّر=لون حاضر كفيلي ما جنت تكدر
يا وسفه الزمن مــن عادته يغدر=يحتضن الرذيل وللشهم يصـرع
================================
(((((خطبة ألأمام السجاد(ع) بديوان الفاسق يزيد(لع))))))
==============
تعال وشوف موقف سيد العبــــاد=حين الي صعد وتعله عل أعـواد
خطب خطبه بليبغه وبين شماراد=بيه غير أفكار الحـــــــشد أجمع
======
كال ألهم يهل الوادم أسمعـوا زين=أنا جدي محمد سيد الكونيـــــــن
جدي المرتضى فارس بدروحنين=أبوي حسين جسمه بالطف موزع
========
صارت ضجه بالمجلس نحب ونياح=ويزيد الزنيم على ألمؤذن صاح
كله كوم نادي حيّ علــــى ألإصلاح=بلجة عن فضيـحتنه علي يرجع
=========
مــــــــــن نادى المؤذن هلل وكبر=بسم المصطفى يشهــــــد على المنبر
علي السجاد من عينه الدمع حدر=صاح بصوت عالي وصل كل مسمع
=========
محمد هذا جدك يبن أبو سفـــــــيان=أنت أبن الطليق أتعرفك العربـــــان
وإذا جدي عليش مجتف النســـوان=بنات المصطفى خير البشر أجمـــع
==========
بهل لحضه يزيد آمرعلى ألأنذال=تفك قيد ألحرم وتكـــــــــــطع ألأحبال
ومن ركبة العابد ترفــع ألأغلال=والباقر يويلي يعاين ويســـــــــــــمع
=========================================
(((((نزول السبايه في خربة الشام)))))
===========
نزلوا بالخرابه بأمر طاغي الشـام=من كثر التعب صارت رُقيه أتــنام
شافت وجه أبوه بعالـــــم ألأحـلام=يا وسفه الحلم ما يشبه الواقـــــع
=========
من فزت يتيمة داحي ألبيـــــــبان=أرتفع وسط ألخرابه النوح والأحزان
والجلواز راح بهمه للديــــــــوان=أخبر سيده أيزيد ورجـــــــع مسرع
===============
مـا أنسه الرجس لمن سمع أخبار=طفله تريد أبوه حسين يلفي الدار
وده الراس ليه وزيد أله النـــــار=راد بهل فعل كلب الحرم يفجـع
=============
حين الشافت الراس بطشت موضوع=عليه ذبت نفسه والكلب مفجوع
كضت وسفه اليتيمه وسكنت من الروع=رفعته العقـيله وتسجب المدمع
==========
تعال وشوف مرقد هل يتيمه شلون=مطرز بالذهب والجوهر المكنـــون
كرامه هاي للهادي زعيم الكــــون=كرامه للوصي والمصطفى ألأروع
================================
(((((دخول هند زوجة يزيد للسبايه)))))
ما أنسه هند حين ألأجت ليهـــــــــم=مرّت أيزيد أجتهم تشـــتفي بيهم
أميره حاكمه أعلى الشام وعليهــــــم=والخادم حمل كرسيه المرصع
============
من طبت عليـــــــهم حست بآلام=تشوف وجوهم ضوت ربوع الشام
نشـــد تهم منين أنتــــــــم يهل أيتام=ماسمعة جواب تشوف بس مــدمع
==================
التفت عايـــــــنت زينب تهل العين=كالت يا سبيه موطنج مـــــــن وين
كالت بالمدينه أهلـــــــــي معروفين=وهذا راس أخويه على الرمح يُرفع
===============
كالت هند بلله يــــــا مدينه هاي=يختي من أسمعته ذاب شحم أجلاي
يختي جلمتج زيدت همي أهــــواي=أكثر فصلي عنه أريد أســــمــــــع
===============
العقيله كالتله مــــــــــــوطن المختار=الشـــــــرفه ألجليل الواحد الجبار
بنات المصطفى عليكم تحل خطـــــار=ما واحد حشـــــمه وبيه يتشفع
==================
هند من سمعة بطاري النبي يصدع=نزلت من تخته وتسجب المــــــــدع
عافت ذاك كرسيه وهـــــــوت تركع=كرامه للنبي وللمرتضــــــى ألأنزع
=========
هند كالت أنشدج جوابني زيــــــن=أنشدج عن نزل مولاي أبوالحسنين
بيه أترعرعت ويه الحسن وحسين=وبعد عن العقيله زينب أرد أسمــع
==================
من نشدت هند عن حيدر الصنديد=ضجه صارت ونوح وزيادة ويــد
أنا زينب وراس حسين عند أيزيد=وأم جلثوم هاي وسكنه هل تسمع
============
من سمعت هند هذا الخبرهاجـــــــــت=والشام أبأهلــه أرتجت ومـاجت
للديوان طبت بالحزن نـــــــــــــــــــادت=يزيد شلون راس بن النبي يُكطع
========
كال ألها هند نوحي إذا ترديـــــــــــــن=أبن أزياد عجل بالحــــرب لحسين
كالــــــــــــــــــتله يزيد أنت عدو الدين=ذبحته وآمرة راسه برمح يرفــــع
=========
جلت قدرت الباري كتب بالــــــــــــــــوح=بعقر دار أليذبحه يُندب المذبوح
هند نصبت المأتم والكلب مجــــــــــــــروح=وكلبه صار طول ألعمر متوجع
===================================
(((((رجوع السبايه الى كربلاء)))))
============
من بعد اليسر آمر يزيد الشـــــــــــــــــام=ترجع للمدينه ألحرم ولأيتــــــام
ردت هل ضعينه محمــــــــــــــــــله آلام=زينب تندب حسين بكلب مُفجع
============
وصلت للعـــــــــــــــراق وعاينت دربين=واحد للمدينة واحـــد أعله حسين
صاحت ياعلي يبني ينـــــــــــــــورالعين=خل ظعن اليتامه الكربله يطلـــــع
===========
عده عتاب ويه حسين هل أيتـــــــــــــام=تريد تعاتبــــــــــــــه وتخبره بالأم
تخبره عن رُقيه الي كضت بالشـــــــــام=وترد راسه عليه بلجة يرد يسمــع
===========
بلجة من نرد الراس للمظلـــــــــــــــــوم=يتلكه اليتامه ويكعد مـــــــــــن النوم
يسلي العايله وعنه يزيل همــــــــــــــوم=ويزيل التعب وينشف المدمــــــــع
==========
وصلت للطفوف أم الحزن وتنـــــوح=عل كبرحسين طاحت والكلب مجروح
نادت وين سكنه كومي زيدي النــوح=على حسين وعلى آل النـــــــبي أجمع ==============
جالن عل كبر بالحسره ولأحــــــــزان=ليلى وزينب وجلثوم والنســـــــــوان
هذا الماي اكعد يل متت عطشـــــــــــان=بلجت ترتوي وروحك ألك ترجـــــع
=========
خذن جولات يـــــم كبرالغريب حسين=وصاحن ياعلي درب الشريعه وين
دلينه على خونه مكطـــــــع الجفين=عباس الشهم لوّشافنه يفـــزع
==========
وصلن للشريعه يم كبر عبــــــــــــاس=صاحن يل كفيل أكعد يبو النوماس
علينه خلاف عينك جسرت ألأرجــاس=يظربونه ويشتمون الوصي ألأنزع
===========
ثلث تيام ضلت والكلب مجــــــــــروح=كل ساعه بكبر واحد تجيم النوح
كال أله علي ياعمه خـــــــــل نروح=الكبرجدنه النبي ونخبره بالمصرع
=========
كالتله يبو الباقر شـــــكل للنـــــــــاس=لوّ نشدوني عن حسين والعــــباس
شكلهم عفت أخوتي ما عليهم راس= وعبدلله الرضيع آوياهم مكطـــــع
===================================
(((((رجوع زينب والسبيا (ع )الى للمدينه)))))))
=============
عافوا كربله وكصدوا لعـــــــــد يثرب=حين الشاهدوا حي النبي كــرب
العابد ناشد الحادي بشـــــــــــــر يكتب=شعر ويروح يم كبرالنبي يصدع
=========
بشرراح أعلن القصه ونشرأخبار=صاح بصوت عالي وسمعته كل دار
جزاكم سومه ألبستوا الشنر والعار=جسم حسين ضل بكربله مـــوزع
===========
(((أم البنين تسأل الناعي)))
=============
أجت أم البنين وأوجبت يمــــــــــــه=كالتله انشدك عن أبو اليمــــــــه
خبرني عدل لـــــــــــــوغارج بدمه=ليمته علينه يبين ويرجـــــــــــــع
===========
نشد عنه بشر ويكول هاي منين=أكله حسين مات تكلي وين حسين
كالوا هـــــاي أم عباس و الطيبين=أحتار ايوصفله حالة المصــــرع
===========
كال أله نجتل جعفر أبو ألهـمــــــه=وبنج عون عل التربان ضل يمه
وعباس الشهم طاح ونزف دمه=عله الغبره طريح وجسمه متوزع
=========
كالت ما نشدتك آني عن عثمـــان=لا عن عون لا جعفرهم الريسان
ولا عن الكمرعباس عالي الشان=يريت حسين سالم والولد تصرع
============
كال أله بكه عاري عل التربــــــان=يمه مطرحه ألأنصار والشـُبـان
بحرالصيف ماضاك العذب عطشان=ولا واحد بكطرة ماي أله تبرع
==========
لهفي عل الشريفه الحره بت أحزام=ما نشدت على عباسه الضرغام
همه حسين سالم يرجع المقــــدام=لجله تفدي نسور الربا ألأربـع
=======================
((((زينب تشتكي لمحمد بن الحنفيه)))
وزينب نادت بحسـره وحزن والام=يمحمد ليفتك أشجي هضم الشام
يخويه ريت تنظرحالت ألأيــــــتام=سهرانه وتنوح الليل ما تهــــجع
========
يمحمد ردت تحضر يعالي الشأن=تشوف أختك أسيره وطبت الديوان
مربوطه ابحبل من أيدي للوجعان=وجهي شلون أستره الناس تتنوع
==============
كـــــــــــال أله يزينب حكج تعتبين=أخوج آني يزينب وأنتــي تعرفين
لوله علتي مــــــــــا كصرت تدرين=أفدي حسين بالعنيــــن وألأذرع
=========
((((زينب تلتقي ام البنين))))
==============
لهفي على العقيله مــــن لفت للدار=طبت بيت أخوه وشافت ألآثار
محراب الصلاة مظلم بدون أنوار=أخلاف حسين وحشه الدارماتنفع
==========
طبت دارأخوه وبدئت الأحـــــزان=كالت للوصيفـــــــــــه غلكي البيبان
علينه ما أريدن تدخل النســــوان=تشمت بل جره على بن النبي ألأروع
============
ساعه ولن لفت حـُره تــــــــدك الباب=لنه أم البنين الفـــاجده ألأطياب
تنادي حسين يبني وين شخصك غاب=يريت الناس فدوه تروحلك أجمع
=========
تلكته العقيله تلطـُم على الـــــراس=وتصيح بحزن ويلي على العباس
يمي شرد خبرج عن أبوالنـــوماس=دون حسين أرخص مُهجة مسرع
=============
يم عباس يمي الكمر حين الغــــــاب=علينه هجمت ألأشرار جنه ذياب
مثل ماهجموا ألأرجاس يوم الباب=على أمنه الزجيه وكسرت ألأضلع
خادم الحُسين (ع)