اله اعطشك يانهر ... انه ابن فارس مضر
انه عباس انه عباس
اشلون وي عسكر اميه اتشيل انته اسيوفك
وتمنع احسين وعترته وتدري همه اضيوفك
كمت عن الخيم تـبعـد لـملـمت بـجــروفـك
وكون مالح صار مايك يالـمـنعـت اجفـوفـك
اله اترسك بالدمه ... انه ابن حامي الحمه
انه عباس انه عباس
اشلون تنضر سكنه تبجي وبالدمع تترجه بيك
وماكسركلبك بجيهه وبيدهه اتاشر عليك
وانت تدري زين بيهه هيه ماتكدر تجيك
ولون كصتك بيه غيره الماي جاء جبته بديك
راح اكلب لونك ... وخل تشوف اعيونك
انه عباس انه عباس
اشلون ماخليت مايك يوصل الحد الخيم
وانته بعيونك تشاهد لايجه اطفال وحرم
وانت لوعندك امروه جان حسيت ابندم
وجان يم احسين انته دنكت مثل الخدم
اشلون انسه دكتك ... اله اكلب صورتك
انه عباس انه عباس
اشلون ماهزك ضميرك وانته تسمع بالطفل
يصرخ وجن ابصرخته ايصيح لا مااحتمل
هذا ابن سبط الرساله اشلـون دمعاتـه تهـل
وبالحشر شنهو جوابك لـون عـنه تــنسأل
وكبل ميصير الحشر ... راح اعصرنك عصر
انه عباس انه عباس
اشلون من احسين انته ماخذاك المستحه
وهذا ابن سيد الخليقه اشلون تقبل تجرحه
وتدري كبل اعداه كلهه اتريد انته اتطيحه
وجبده من العطش يابس كام سيفك يذبحه
اشلون بحسيني تعيل ... اله اعيشنك ذليل
انه عباس انه عباس
راح اطر اجيوش اميه البيهم انته محتمي
وكلي وبياهو تزامط خل يلاوي معصمي
وراح اخلي لون مايك احمر ويدمي دمـي
حتى صوتك راح اخرسه اتكوم بس تومي ومي
وراح تسمع يانهر ... مني لاوين المفر
انه عباس انه عباس
راح اثبت عله اجروفك رايتي وبزودي
وراح اثني عله مايك ومنه اترس جودي
وخلي حراسك تجيني أمحضرات زنودي
وتدري واعدتك اذلك وانه عـد اوعـودي
صدر من عدي قرار... لسكنه اتقدم اعتذار
انه عباس انه عباس
hgufhs u ,hgkiv