((كالوا ليش))
-------------
كالوا ليش ما تكتب غزل يفلان=اشو بس حزن تكتب والدمع يرشـح
كافي بالحزن تكتب نريد اشعار=بيها نسلي انفسنه وبعـــــــــــد نفرح
كلت حكم يخوتي والفرح مشروع=لجن ماكو وكت نتمايـــــــل ونردح
الغزل يراد واحد مترف وبطـــران=ويعيش بقصر يلعب ويتمــــــرجح
ما عده هدف مثل البهيمة يعيش=بس ياكل ويبعر يمرح ويســـــرح
احنه بهل وكت لازم نطين الراس=ما نكتب قصص وهمـيه للمسرح
داعش والنواصب بينـه محتاطين=بعقر دار الإمامـــــة وبعلي تجرح
نترضى على عيشه نجرم اليحجون=وبحجة الوحده عن عمرنصفح
ذبحنه حسينه والله ذبحنــــه حسين=بدينه حسين ويه كل فجــر يذبح
بسبب هذاالتخاذل يا أسف ياحيف=الأسد ملجوم والواوي صبح يزكح
صدكني يغافل عضتــــــه متطيب=شما تحسن ألـــه يبكى الجلب ينبح
يغافل لا تضن بيزيد يعمـــــل خير=سفاح النجيفي لا تضن ينصـــــــــح
كافي هل تخاذل سو حــــــد الهاي=يذبحونه الأراذل واحنه نتبجـــــــــح
هذوله الناس ماينفعهم إلا السيف=مثل ما سوه حيدر بيهم وأفلــــــــــح
لوله سيف ذي الفقار مـــــا قامت=للإسلام رايه ولا ذكر يصـــــــــــــدح
كافي ألأنبطاح وكافي هذا النــوم=على حساب المطامع تخضـع وتبطح
خجلتوا محمــــــد ليش هذا يكون=على حساب الكراسي كمت تتمصلـح
انتخبناكم يساده جنه متصــورين=واحدكم يخوف الخوف من يصــدح
تبينتوا بيادق لعبــــــة الشطرنج =يحركم اسامه بخشبة المســـــــرح
سيد
كاظم الشرع