كربلاء
وين المات كلبه و كثرت اذنوبه
يروح الكربلاء و يعلن التوبه
*****
يدك باب الكريم و ابد ميرده
ابجاه حسين و امه الطاهره وجده
ابجاه المرتضى و المجتبى و جبده
على بابه تشوف الرحمه مكتوبه
*****
تحت قبته الدعا مقبول ندريها
روايه و شوف جم معصوم يرويها
اذا بحسين تتوسل إلباريها
حبيب و ما يرد زوار محبوبه
*****
وينه الماله جاره و المرض صابه
لبو السجاد يمشي و يشتم ترابه
هذا الباشدايد ما يسد بابه
كل خطوه ابطريق حسين محسوبه
****
نادي اهنا يا الهي ابغربته و صبره
و الدم و العطش و المنحر و صدره
يقبل توبتك لو تندعي ابعبره
و نادي يا الهي الروح مصيوبه
*****
اذا حاجات عندك شوف اصعبها
و من باب الحوائج روح و اطلبها
حلفه ابزينب و هيهات يرفضها
و حلفه بالغريب السلبوا ثوبه
******
لو شفت المناير اركض ابهمك
و كله اشلون زينب تنضرب يمك
لاذت بيك و انته امخضب ابدمك
و سكنه من هجوم الخيل مرعوبه
==============
السيد عبد الخالق المحنة
;vfghx