السلام عليكم ورحمة الله وبركاته ..
قصيدة للشاعر : يوسف حسن
منو تشرف بالاخر علي لو رمضان *** توقيت الشهاده بهل الشهر عبره
حيدر زاد قدره بموته برمضان *** لو رمضان هوالزاد من قدره
نسمع بالسنه مره بشهر رمضان *** وحيدر كل فريضه المأذنه تذكره
وتره رمضان بي ليله قدر لا غير *** وعلي بيه الحسن وحسين والزهره
مامر يوم حيدر ماذكر مسكين *** وشهر رمضان يخلص ياله نفطره
وجائز ان تسافر في شهر رمضان *** ايام السفر عوضهن بأخره
وعبر لو مريض وصومهن بعدين ***بس حيدر جذب ماتكدر تعبره
******
ماصدك قصير القامه يامولاي *** وماكدر وابد واستوعب الحاله
جذب حيدر كصير وهاكم البرهان *** من فوك الفرس يشمر الخياله
جائز حيدرا بطول الرسول يكون *** لان بات بمكانه بيوم ترحاله
وبفراش الجبل ميصير تل يبات *** لازم جبل مثله ونفس تفصاله
مقصوده السوالف هاي جذابين *** الكصر لوله وحشه الوله التدناله
بحزامه الفقار يكلي جان كصير *** معقوله الفقار يخط وره ذياله
وبما انك علي ومخلوق من النور *** اذا طولك شعاع الضوه بهل الحاله
ويشهدك نعم خيبر يابو الحسنين *** ضخم جان وجبير وبالوصف هاله
ولازم عروه الباب شلون فسر هاي *** لا تفسر شلون انشلعت اقفاله
علي طولك شمس وعيونهم حفاي *** شافك من بعيد كصير حسباله
احفر قبر مرحب وابن ود وشوف *** تعرف حيدر طويل شلون بفعاله
عمود السيف ينزل جان فوك الروس *** مايضرب الكصه الهامه منواله
وباوع عالضريح وكول جان كصير *** اذا كل هل الضريح وكوه كفاله
اقنعني بقمر هاشم ليش جان طويل *** علي يخلف ولد يطلع شبه خاله؟
علي طوله السمه واضعاف طول الكون *** ونجوم السمه مجلبات بذياله
rwd]m td hghlhl ugd (ugdi hgsghl) >>>