بسم الله الرحمن الرحيم
السلام عليكم ورحمة الله وبركاته اختي الفاضلة شجون المحترمه
------------
انا اقل من ان أوصف لوعة ام عاديه مفجوعة بمصاب ولدها المظلوم فكـيف لي ان
اوصف لوعة الزهـراء سيدة نساء العالمين وابنها سيد شباب اهل الجنـة عليهما السلام ولكن
بحمد الله وتوفيقه كتبت هذه الأبيات المتواضعة بطريقة النعي ارجو ان تنال رضا الله
وأهل البيت (ع) اولاً ورضاكم سيدتي الفاضلة
---------
حوار بين الحسين والزهراء وزينب (ع)
---------------
جني انظر الزهره بكلب مـحتار
اجت شايطه والدمع يجري عبار
وتضلل لبنها من الشمس والحار
تحشم بالنبي والمرتضى الكرار
تكله كوم لينه وجـــــــرد الفقار
كبل شمر الخنا لا يكطع المنحر
---------
جني اسمع الزهره بكلب لهفان
تنادي والدمع من عينها غدران
يبني ليش اجيت الكربله وكوفان
غداره تعرفهم يبني مــن ازمان
خانو والدك حيدرعلي الريسان
اهل كوفان عادتها الغدر والشر
--------------
جني من النحراسمع يرد جواب
يميمه القدر شـــاء وهيأ الأسباب
آني انذبح بالطف تحترج أطنـاب
وزينب تنسبي وجلثوم وي رباب
يمي والحرم مـــن الفزع ترتاب
وسكنه تندهش من يهجم العسكر
---------
اجت ام الحسن تصفــــج الأيد بأيد
محنيه الظهر منها الــــــنفس ترديد
جنها تكله يبني حسين يا صــــنديد
أدري عكب ابوفاضل تضل اوحيد
ودري سهم المثلث صـــوابه مجيد
ودري خيامكم بالنــــــــار تتوجر
--------------
كالها ييمه حالــــــــــــــــــي انه يهون
والعباس ضـــــــــل على النهر مرهون
احنه ارجال نتشرف نكع بالكــــــــــون
لجن بس وحده من عدها الكلب محزون
بنات المصطفى يمشن سبايـــــه اشلون
زينب تنسبي وللشـــــــــــــام تتيسر
--------
وكأن شفت العقيله زينب الحـره
صدت للمدينـه بحركه وبحسره
تحشم والدتها الطاهره الزهـره
هذا حسينج المدلول عــل غبره
تعالي خل ننوح ونسجب العبره
بلجت يرتوي من دموعنه وينظر
------------
الزهره جاوبتها بالــحزن وونين
آنا بكربله يبنيتي لتخــــــــــافين
انا حاضره مثلج وشوف حسين
نوحي وساعديــــــني لا تبطلين
أشجي محنتي للواحد الأكبر
---------------
الرافضي
سيد كاظم الشرع الموسوي
التعديل الأخير تم بواسطة الرافضي سيد كاظم آل حمادي المحمودي الموسوي ; 2016/09/04 الساعة 02:32 PM
|