سيدي يالمهدي يبن الطاهره
نشتكي من الطغات الجائره
وجوها حلوهَ وبشوش
كلوبها كلوب الوحوش
والمخالب والنياب مزمجره
نشتكي من الطغات الجائره
سيدي يالمهدي يبن الطاهرة
----------
خليصينه الوكت حسرات وقهر
من اجه التغير وظفـــــنه الشعر
هوســـينه بكــل تفاني ونفتخر
كلنه صارالحـــكم بيد الخـيّره
نشتكي من الطغات الجائره سيدي يالمهدي يبن الطاهرة
-------
اجوا كالوا إلحكم بيد الشعب
هوايه كيفنه وتمايلنه طــــرب
من الفجر راح الفقير وأنتخب
إصبعه بلــــــون البنفسج حبره
نشتكي من الطغات الجائرهسيدي يالمهدي يبن الطاهرة
--------
كلنه راح الباطل وحل العدل
راحوا أزلام البعث أهل الدجل
راح طلحه والزبير ويا الجمل
وصارت الدنيا جمـيله منوره
نشتكي من الطغات الجائره سيدي يالمهدي يبن الطاهرة
-----
للأسف جان التصوّر بالـعكس
لفوّا لينه أرجاس من أتعس جنس
الوصل منهم على الكرسي جلس
صار بكان ونيابه مكـــــــــــشره
نشتكيلك من وكتنه وحاضره
سيدي يالمهدي يبن الطاهره
-------
من وصل طارق كعد فوك التخت
صار يحجي بلا حياء بـــــلا بخت
بالنهارعلى الوطن دمعــــــه يكت
من يصيراليل سيفه موشره
نشتكي من الطغات الجائره سيدي يالمهدي يبن الطاهرة
----------------
طارق وصالح وعلواني الوبـــــــــــــش
ذوله نعرفهم نواصب خالفوا رب العرش
ندري ذوله أرجاس من ذاك الهـــــــرش
ذوله جدتهم صهــــــاك الماكره
نشتكي من الطغات الجائره سيدي يالمهدي يبن الطاهرة
-----------
موش من ذولاك انه مصيبتي
اه كل ألآه مــــــن ذوله اخوتي
آني من رجليه صــعدت حمتي
مـن اليوالي العلي ويعمل منكره
نشتكي من الطغات الجائره
سيدي يالمهدي يبن الطاهرة
نشتكي من الطغات الجائره
-----------
هوايه مروان ويزيد بهل الوكت
تشرب بدم البشـر تاكل سُحت
من وصل وتربع بظــــهرالتخت
صار يتنكر المـــــذهب حيدره
نشتكي من الطغات الجائره
سيدي يالمهدي يبن الطاهرة
------------
عمامته حلوه وجميله بالشكل
مرتبه الطويات مــــا بيها خلل
يسجد بسجده طــويله بلا ملل
يخدع الناس بجماله ومنظره
نشتكي من الطغات الجائره سيدي يالمهدي يبن الطاهرة
------------