[ابوشهد]

الله الله عليك ................ اختي ايات ....................ابداع متواصل





يتامه اجروحي
&&&&&&
جنت موطن جرح خاويت الجروح
هسه جروحي تاهت وينه موطنهن
صعد بيه الحزن يتماشه عالروح
حته جروحي ملت من شراستهن
بعد حز الجرح بضلوعي مطبوع
وسيوف الحرب بكليبي راسمهن
لذلك با لعشك تتباوس اسيوف
سيف اعله سيف اجروح طابكهن
مثل طبع النخل صرت انه وياك
بس طولك كمر بعيوني تصعدهن
علي شماتي صاحو وينك افلان
تعال اسنين كلبك ذني دخلهن
يتامه اجروحي صارن ثق وفيات
وانته بيا شريعه اليوم تنكرهن
اجن حفاي يمك شربن الكاس
عفت الكاس بارد كمت تشربهن
بعدهن ما نسن طعنات الايام
على جروف الكلب نصبن مئاتمهن
صرت لجروحي فدوه ابليل مذبوح
بس ما كلت روح الله يرحمهن
بنيت اقصور بيهن ثق حرامات
ياروجة محب بجروح ترشكهن
على اطراف الكلب سيجت الالام
اوعلى خدود الزمن مشيته حدهن
بعد يوم العسر لا تفتح الباب
خاف جروحي تنشد لا تجاوبهن
بعد موت العشك خليني تذكار
ذمه جروحي يمك لا تعذبهن