[علي البغدادي]

فتحنه عيونه وشفنه

فتحنه عيونه وشفنه الفرح مات
وتكمطنه ابنعاوي اعله المضه وفات
توسدنه المواضع واحنه عرسان
ورسمنه اعله الشضايه احلى الفراشات
شرف النه الوطن شلناه بالعيون
من حرب لحرب ماكلنه هيهات
هويتنه قرص للموت عنوان
ومصدر كل ثقافتنه الحجابات
ودعنه اشكثر خوان للموت
ودمهم على الساتر صار لوحات
حتى الموت هذا يصير خواف
يدور موضع بالليل الهجومات
ومواضعنه مضيف ومن يجي الليل
نفرشه اليطغ ويانه ويبات
مانحتاج نقره احنه شكسبير
خاطر نكتشف معنى العذابات
كل الكتب تسقط لحظه الجوع
ودموع اطفالنه تلغي الشعارات
باجر عيد وانه اطفالي يبجون
ومثل كل البشر يردون بدلات
اوكلهم شعر خاطر يشبعون
وصباح العيد البسهم روايات
على العيشه ركضنه واحنه رضعان
وجناهه قهر واهموم واهات
على رفوف التعب مرميه الاحلام
شتريد اكثر بعد من هالمعانات
صفينه احنه قصص تقرانه الاجيال
لأن حتى طفلنه يعيش ماسأة

المصدر: منتديات شيعة الحسين العالمية اكبر تجمع اسلامي عربي - من قسم: الشعر الفصيح والخواطر

---

tjpki ud,ki ,atki