بسم الله الرحمن الرحيم
السلام عليكم ورحمة الله
اللهم صلِ على محمد وال محمد
الحلم
حلمت وكأن هناك شخص وكانه اجنبي مو من بلدي وفي الحلم كاني صادفته قبل ومر جنبي وقال لي انه يحبني وانا استغربت وابوي معاي قلت لابوي هذا الشخص يقول يحبني ومسك ابوي يد الرجل او يدي ماذكر بالضبط وقاله تحبها اطلبها للزواج فقام الرجل وطلع
دبلة ذهب كانها صغيره بعدين حط عليها ذهب ثاني عشان تناسبني وصارت دبله ذهب ثقيله وكبيرره جداً واعطاني اياها انه يطلبني للزواج وانا اخذتها ولبستها شفتها ع يدي وطلعتها وكانت نفس مقاسي بالضبط وقلت بافكر اوافق او لا قال طبعاً من حقك وانا كنت متردده لان شكل الرجل مو من ذوقي وكانه معروف عنه كان يحب بنت ويعشقها وبعدها افترقوا وكنت متردده وكاني شوي وصرت معاه وكنت ابغى اتكلم معاه عشان اعرف تفكيره لكن دايما يكونون ناس معانا بعدها حسيت بضيقه قويه بالصدر والقلب ومشيت عنهم وكنت ابغى ابكي وهو جاء وراي وسالني وش فيني بعدها حطيت راسي عليه وصرت ابكي لكن بدموع قليله وكان دموعي مو راضيه تنزل وضيقه صدر قويه وكان ضمني وشوي كانه صار بنات حولنا وكل وحده تعرض روحها عليه عشان يتزوجها واتوقع الدبله كانت بيدي وهم يشوفونها قلت انا كلكم تبغونه عشان غني وعنده فلوس لكن هو ماكان مهتم لهم
pgl ]fgm hg`if