عطر قبرك اشمه ** دليلي يجلي همة
يا باب الحوائج حاجتي يمك ** عليك اقسم بضلع الطاهرة أمك
أدري بالقسم هذا أعظم عليك ** ذكر أمك البضعة سيدي يبجيك
أريد بمنزلتها العندك أقصد ليك ** أدري اسم الزجية الطاهرة يهمك
بجاه أمك وجاهك اندب الباري ** وبحزني عليك ومدمعي الجاري
شبحت من بعيد لقبرك أنظاري ** أشوفنك جبل يا قبر اليضمك
إذا من المعاجز ينحسب قبرك ** يا كاظم الغيظ المعجزة صبرك
من سجن السجن كضيت كل عمرك ** ويا همّ بالزمان يوصل لهمك
والباري على صبرك هالكرامة انطاك ** ياخذ حاجته كل وافد اتعناك
اكطع ظنتي لو لا أضل برجاك ** وأنا خادم ابوك وجدك وعمك
أعني عمك المقطوعة جفينه ** الما رد للخيم مستحي من سكينة
واذكرك بالعلامة سهم البعينه ** أدري من تذكره الوسعة ماتلمك
أمشي عليك عمك صاحب النوماس ** أبوالغيرة اليسمونه الوفي عباس
يمك حاجتي وما ريدها من الناس ** مكيال العطايا ينوصف صمك
شباجك لزمته لزمة الملهوف ** واحس كلبي تركني وضل عليك يطوف
يالعطرك دوه يطيب الجرح موصوف ** وأنا كلي جرح شلون ما شمك
u'v rfv; Hali >> fhsl hg;vfghzd l;j,fm