[عابر سبيل]

ههههه. مره سئلت مدرسة الجغرافيه سوال مكدرت اتجاوبه وبدت تتهرب من الاجابه... وبديت اتفلسف بسوالي هههه وكلما اجواب اطلعله بصيغه جديده.. المهم ما اطول السالفه عليكم لان مبين عليكم نعستوا ههههه. جان اتروح للاداره ويجي المدير يرعد عصبي كلش جان يكول من اليوم صاير فيلسوف عدكم محد جاوب. عاد صيغة السوال من الي سائل مدرسه سوال.. كمت وكتله اني.
جان يكلي يلله حذر كتبك وصيح ولي امرك. عانده بالبدايه كتله اني ما غلطان سئلت سوال من حقي ان اعرف الاجابه منها.
ثم اني ما جاوزت عند حدودي . المهم ما راح اطول عليكم السالفه لان صحيح مبين عليكم النعاس هل المره..
طردني المدير من المدرسه . كلت اني ممسوي ذنب الا اروح اشتكي عليهم بالحزب هاااي سالفه بايام صدام .لان مدرستنا كانت قريبه يم الفرقه الحزبيه . هههه رحت دخلت لكيت الرفاق كاعدين بغرفه سلمت عليهم واحد منهم يعرفني جان يكليخيرابن الحجي كتلله جاي اشتكي يمكم عن مدير المدسه طردني واني كلشي ما سوي ذنب حجيت الهم القصه بما انزلت .جان واحد من الرفاق يكلي مو عدكم الجنه الاتحاديه ادافع عن حقوقكم اني هم على لاهيتي هههههه كتله يالجنه ياحقوق
رفيقي.. جان يكلي والله نص هاي العباره التي لازلت صداها ترن شنو قصدك اتهين مبادئ الحزب . كتله يامبادئ الحزب وشدخل موضوعي بس بصراحه بيني وبين نفسي كلت رحت بيه بس هذا الرفيق الي يعرفني جان يكلي دروح هس انت للمدرسه واحنا جايين وراك. اشوف المشكله. صدك هم اجوا وراي بسيارتهم . وطلبوا تحقيق بالامر واخذوا طلاب وطالبات شهود على الي صار.. الحمد لله الكل شهدوا بان الحق لي ولم اخرج عن حدود تصرفي ...راح تخلص قصتي ما بقى شي. جان ينقلون المدرسه وما تجي للدرس وجابوا بمكانه مدرس واجا المدير اعتذر مني بعد ما صاح الفراش كلي المدير ايريدك بالاداره
اسف ان طولت عليكم قصة طرد {وهل مره سالفتي اوياكم بالعاميه }
تحياتي لكم