عرض مشاركة واحدة
قديم 2014/09/21, 03:48 PM   #1

موالي مميز

معلومات إضافية
رقم العضوية : 3409
تاريخ التسجيل: 2014/09/21
المشاركات: 285
الرافضي سيد كاظم آل حمادي المحمودي الموسوي غير متواجد حالياً
المستوى : الرافضي سيد كاظم آل حمادي المحمودي الموسوي is on a distinguished road




عرض البوم صور الرافضي سيد كاظم آل حمادي المحمودي الموسوي
Icon Ther[1] قصيده( المرآة) بقلم الرافضي سيدكاظم ال حمادي ال سيف الدين المحمودي الموسوي


المرآة

جلة قدرت الباري على هل تدبارخلق أشكال بالدنيا ما تنعد ولا تُحصر
خلق من البشر أشكال مو كلهم شكل واحـــــــــــــــــد حَسن منظر
واحد لونه أبيض واحد أسود طوخ واحد وجه حنطاوي حلو اسمر
واحد وزن عقله بيضة العصفور واحد عقله اثكل مـــن جبل أزمر
مو كل التعكل يعني ابن جـــــــــواد ولا كلمن مفرع يعني بي نكفر
ولا كلمن لبسله ارباط يعني استـاذ ولا كلمن معمم يعنــي متنور
واحد لوحچه يتونس الديوان واحد بغل بالتــــــــناعور بس يفتر
والنسوان هم بيهن تشيل الراس من تحچي بدليل موثق المصــدر
وحده من تسولف عن وعي وأدراك وحده هايشه بس تاكل وتبعر
موكل الركب ظهر البحر بحار يندل كل خفايه البحر مــــــن يبحُر
ولا كل التخيل يعني فارس حيد يندل ضربته ما يثني مـــن يطبر
چم واحد بواحد يدعي خيـــــــــــال لا چن أول المطراد يتـگـنطر
مو كل اليجرد سيف يعني حيد ولا كل سيف باشط يگطع المنحر
ذو الفقار ما يختلف كونه سيف تره كل السيــوف تشبه بالمنظر
ذو الفقارلو يتقلده بن العاص هم يكشف عورته بلا خـجل ويفر
ذي الفقار صاير مضرب الأمثال لأن الشايله چف الوصي حيدر
-----------
ولا كل النظم يعتبر شاعر صار هواي من الشعر تسفيط ومنعثر
تره بحر الشعر يحتاج غواصين تنزل للعمق وتطلـــــــــعنه الدر
الشعر مو بس تعال وگول الشعر مثـــــــــل الذهب بالمثقال يتعير
الشعر مره ألجهنم يأخذ اليحچيه ومره بالنعـــيم يفوز بالـمــحشر
القصيدة سيف ذو حدين مره الخير بيه ومره بيـــــــــــــــه الشر
القصيدة تعكس الشاعر مثل مرآة وتبينه ذهب لو صفر ومـزنجر
القصيدة ألما تبين قدرة المعبود هذي مو قصيده بس حچي مسطر
القصيدة الماتحدث عن رسول الله مفروغه المعاني ومالها مصدر
شكثر ما چان شاعرها حذق فـنان تظـل بغير معنى ولا هدف يـُذكر
مَثله كالحديقه البيه كثره أشجار لاچـنَ شجر صفصاف مـــا يثمر
شنهي الفائدة من نبتت الكسوب=لا تحمل ورد لا طيب لا منظــــر
-------------
انصحك يل تهوس اخذ مني هاي شغل عقــــــــــــــــــــــــلك وفكر
الشعر بس ألمحمد والقوافي تلوگ ولم حسين هم تلوگ ولحيدر
الورد والطيب أهل البيت بالتحديد هُمّ ألرازقي وجوري وعطر عنبر
أمهُم فاطمة وجدهم نبي الإسلام أبوهم سيد الساحات لــــــــو كبر
تشهد له بدر وحنين والأحـزاب يشهد له الحصن يوم الفتح خيبر
بسيفه شـيد الإسلام أبو الحسنين بصولاته العدوّگبل الصديق أيقر
اليفر من سيف داحي الباب ما يلام يعتبرونه فارس حيد من أيفر
شما يكتب الشاعر عن علي الكرار مقـصـر والـقوافي دوم تتعذر
ألقصيده إلي تجافي منبع أهل البيت ذبه بالكنيف وأله لا تنــــظر
ألما بيه ذكرهُم مثل غيمة صيف تمر وتـروح لا ترعـد ولا تمطر
((اجان تريد الجنه = اكتب لهل البيت))
صوت الثورة الرافضيه المقدسه
سيد كاظم آلحمادي ال سيف الدين المحمودي الخواري الموسوي



rwd]i( hglvNm) frgl hgvhtqd sd];h/l hg plh]d sdt hg]dk hglpl,]d hgl,s,d




التعديل الأخير تم بواسطة الرافضي سيد كاظم آل حمادي المحمودي الموسوي ; 2019/09/22 الساعة 12:39 PM سبب آخر: خطأ املاء
رد مع اقتباس