على متون
الشريعة اتشوف عباس
من الاجساد الركاب بجفة نزعهة
واكف والهوه على الجيش مكطوع
الك مشهوده جم كنطرة الكاطعهة
فرسان الكفر ماتوصل العباس
لأن عباس جوة السيف ركعهة
مو وافعة طف بكربلاء نكول
بل طف
الشريعة وهوة واقعهة
يرد زينب تريدة ومايجيب الماي
اذا رادت عيونة مايرجعهة
وزينب ماتكلة انخاك ياعباس
كبل ماتحجي زينب هوة يسمعهة
ربك من خلق عباس حطهن بيه
وفة وغيرة وشجاعة كلهة جامعهة
مامعروفة شنهي الغيرة قبل بساع
لجل زينب ترة العباس طلعهة
وماصدك ابد جفك يطعة السيف
منو اليكدر اكبالك عينة يرفعهة
هذا البي اصدك ما لاتكول الناس
بالغ بالقصيدة وراد يجمعهة
انة من اكتب شعر بيه اذكر العباس
احس بالموت يرجف من اسمعهة
وما اقنع قصيدة وبيه اكول انساك
اذا موبيك احلف بيمن اقنعهة
وما اكتب شعر لو ردت اعوفك يوم
كلما ابدي وحدة الكاك مطلههة
't hgavdum