2012/06/17, 10:25 PM
|
#1
|
|
معلومات إضافية
رقم العضوية : 67
تاريخ التسجيل: 2012/03/04
المشاركات: 4,509
المستوى : 
|
يالتزور حسين اصبر لاتزور
يالتزور حسين اصبر لاتزور
إقره ليش حسين قامت ثورته
حتى من تنزل دمعتك عالحسين
تعرف شكَد الثواب بدمعته
تدري ليش الميت ايعصره القبر؟
وتدري شيصيح القبر في ميته؟
خاف حابس دمعة في حق الحسين
اليوم تطلع من ظفر سبابته
وحتى تعرف منك شرايد حسين
مو تزوره وأنت جاهل غايته
حسين رايد روح تنهض بالضريح
مو تحط دينار ماهو بحاجته
روح علق قلبك اباب الحسين
وشيل كل هذا الذهب من حضرته
حسين مامحتاج عا لقبة ذهب
الذهب محتاجه راح إلقبته
والناس لو تدري الذهب قصد
الحسين
جان مانصرت يزيد وخانته
وياهو كَال الشيعة فقدت جم حسين
وياهو كَال هوايه وادم تبعته
صاح صوت امن السما بمقتل حسين
وبعده لسه يصيح محد سكته
شلون مانبجي وندك لاجل الحٌسين
وكل سنة بعاشور ننصب مأ تمه
إنكسر ظهر الكون من طاح الحسين
والجبال من اللطم متثلمه
ولأن ماكو جفوف وتدكَ النجوم
تنهدكَ عا لكَاع وترد للسمه
تدري شنهي المعجزة بلطم
الحسين؟
ما تموت الناس لو تمطر دمه
ويه كل جف يرتفع يوكَف مَلاك
شما يدكَ الشيعي صدره يقدمه
وعدنا با لشيعة زلم لولا الملاك
جا صدرها بضربة وحده تهشمه
الشاعر : نائل المظفر
dhgj.,v psdk hwfv ghj.,v
|
|
|