من مصايب العراقيين
من مصايب العراقيين
رايح عالنتيجة وارجع ابساع
مو هذا كلامك يمه ليه
ليش اتعطلت يمه العصر فات
وبدت تعصر بروحي المغربية
هلاهل ترسن بصدري وبيدي جكليت
وكبل اسبوع مشتريه الهدية
اتاني او خبر عاجل طكني بالكاع
انفجار لجامعة المستنصرية
ولك يمه وصلتلك ازحف ازحوف
لان رجليه ماتن كبل ايدية
لكيت كتابك وماشفتك وياه
عفته شلون مو رحتوا سوية
وجثه تصيحلي من بين الرماد
كلت مو هيه وانه ادري هيه
حاجيبني دخيلك ياضوه العين
الشضية صابتك مو بيك بيه
انا اشتاكيت ابوس جفونك اليوم
ابكد مابوست انت يدية
ياجف القدر المن انمديت
ليش اتناوشت نجم الثرية
ابني الي بجت لمصابه الحمامات
واغتاظ الكمر وانخسف ضيه
ابني ابن العراق وامه بغدادية
ياهو الكتب مجهول الهوية
منقول
lk lwhdf hguvhrddk
التعديل الأخير تم بواسطة ملاك العشق ; 2013/02/27 الساعة 02:22 PM
|