لا تهيجوني
----
لا تهيجوني الجرح كلش غميــــج=جرحي مو من التضدني اهل البُدع
ادري ال سعود نطفتهم حـــــــرام=من السقيفة تعلموا هذا الطبــــــــــع
ودري انفسنا علينه حـــــــــاقدين=بسبب اسم الوصي عالي ارتفـــــــع
لون ضيمي من اليضدني هم تهون=خويه كل مصيبتي مــــــــن الربع
شفنه تاج المصطفى فــــوك الرؤس=كلنه ذوله الناس اهل عفـه اورع
كلنه ذوله اهل المراجل والجهـــــــاد=ذوله واحدهم اسد هزبرسبــــــع
ذوله واحدهم يخوف الما يخـــــــاف=غيرة العبــــاس بالصولــه تشـع
ذوله اهل يا ليتنا كنا معــــــــــــــــاك=ذوله كل الخير بيهم والنفــــع
-------------
رحنه للصنـــــدوك نركض مسرعين=والنسه عافت ضناها بلا رضـع
كلنه راح الظلم وأزلام النفـــــــــــاق=الحمد لله القدير المرتفــــــــــــع
كلنه راح نعيش نرغد بالحـــــــــــياة=لفه علينه العدل واحكام الشرع
للأسف احلامنه راحت هبــــــــــــاء=ضاعت الآمال والحك انصــــرع
طلعوا اشباه الزلم لا مو رجـــــال=مثل ابو الحصين واحدهم طلـــــع
للأسف ولله انتخبناهم حــــــــــرام=ولله ما يسون كل ذاك الفـــــــــزع
وقعوا بالعشرة صك على البياض=لعد مسعود واسامه ابن الكـــــــــع
شما يقرر ظافر الزانــــــي ويريد=ينفذون امره ويحيونه الربـــــــــــع
للأسف ولله مــــــــــع كل الأسف=العمائم صارت العشره بربـــــــــــع
-----------
خيّبوا آمالنا ذوله المســــــــــــوخ=وصار كل الشعب في حالــــة نزع
في سبيل الجاه بـــــاعوا للضمير=تناسوا الطف كربله وكسر الضلــــع
يا ضلع ياكربله ياهو الحُسيــــــن=والشعب خل يعيش آلام اوجــــــــــع
المهم عنده قصر عالـــي ومنيف=وعنده جكسارات ونواع المتــــــــــع
ما يهمه الشعب لو كلــــــــه يجوع=بس اهو وربعه يحسون بشبـــــــع
مايهمه الشعب لو كله يمــــــــــوت=بس يضل هوه سليم ومنتفــــــــــع
متى يا موالي يا سر الوجـــــــــــود=ينبلج نورك على الأمه ويشـــــــع
تجرد بيمناك فقار الإمــــــــــــــــــام=تخلص المظلوم مـــن هذا الجشع
تأدب اصــــــــحاب البدع والمدعين=تجدد الدين وتقيم النه الشــــــرع
الرافضي
سيد كاظم الشرع
gh jid[,kd hgvhtqd sd] ;h/l hgavu hg.vu jid[,kd