وداع زينب للحسين ع
================
يحيدر غاب والينـــه = أفزع يا علي علينه
نذبحت كل بني عدنان= حسين يريد للميدان
أفزع يا علي علينه
--------
يوم العاشر بعاشور=زينب صــــــارت بشده
عباس الكمــرغايب = جفوفه مكطعــه وزنده
الله يساعد المظلوم = بالســــــاحه بكه وحده
ينادى بوسط المخيم=ياهــو يـــقدم العـــــــده
يقــــــدم لامـت الميدان=للــصعبات يتحــــــده
أجت زينب تهل العين=تحشم بالنبي العمــــده
يجدي غاب والينه = أفزع يا علي علينه
--------------
من سمعت نداء حسين=طلعت تسجب العبـره
باليمنه الرمح والسيف=اليسره مشجم المهره
حسين تعنه للميـــدان=وزينب عينـها تنضره
نادت ياشريج الـروح=وصيه من أمك الزهره
لوشفتي أخوج حسين=وحيد ومحد ينــــــصره
سلميلي على ابوألأكبر=بدالــــي قبلي الصدره
وبنحره تشمينــــــه = أفزع ياعلي علينه
--------------
نزل من المهر للكــاع=العقيله أوجبت يمـه
حل أزرار درعه حسين=وزينب راحت تشمه
تنادي يمي يــــا لزهره=الوصيتج نفذت يمــــه
هذا حسينج المدلــــول=عليه أجلاف ملتمــــه
بعد ساعه يذبحونــــه= وشوفه مخضب بدمه
مثل مـــا حركوا البيتج=ساعه وحركوا خيمـه
ياهو الي يحامينه = أفزع يا علي علينه
--------------
ردت بت علي التفت=تحشم حيدر الضرغـام
يا فارس بدر وحنين=تقبل زينبك تنضـــام
عكب عزي ودلالي ذاك=أروح ميسره للشام
خلاف حسين والعباس= اروح بولية الظــلام
نسوان ويتامه أطفال=على ظهرالنوك جيف تنام
عفه صبرك يحامي الجار=شلون تنام يا مقدام
وحنه بين أعادينـــــه = أفزع يا علي علينه
سيد كاظم الشرع
,]hu .dkf ggpsdk =dpd]v yhf ,hgdki ggpsdk .dkf ,hgdki