قصيدة كعده
========
أنصار للمرتضى نصار=أشرار نرفض الأشرار
نبايع علي خيرالعمل=نرفض الباطل والدجل
للمرتضى نصار=للمرتضى نصار
----------
رغُم تزوير الحقاـئق =بيد كُتاب آل أميه
تبقى الحقيقة ناصعة=كالشمس تبقى مضيه
راجع الترمذي ومسلم=وقره كتب الحنبـلـيه
تلكي أخبار الولايــــة=بحجج مقـطوعة وقويه
رغم العـــــــداء وشدته
ألشخص ألرسول وعترته
ألباري للحق ثبتـــــــه=رغم أنوف الناصـــبيه
صرح القرآن
حب علي الإيمان
الشيعه تقبلنه ألأمر نوالي الكرار
للمرتضى أنصار
---------------
شوف أبن حنبل ومــــــالك =للصواعق روح طالــع
الترمذي شيكــول شـــــوفه=وأنت بالترمذي قانــــع
راجع اصحـــــــاحك الستـه=وبعقل مفتوح تابـــــــع
تشوف كله بحك علـــــينه=تعترف هاي المـراجـع
هذا ألأمر واضح جلي
ماعدنه منهج باطلي
هذا سبب حبنه العـــلي =بحبه ترتاح المواجــــع
صحت هل خبار
عند أهل الفكار
بانت جليه واضحه بحك علي الكرار
للمرتضى أنصار
======
عاذلي لا تبكه تابـــــع=تقبل أفكـــار ألأراذل
أرجوك حقق بالقضيه=لا تضل جاهل وغافل
هذا موش أحنه النكوله=أمر بالقرآن نــــازل
علي نفس النبي الهادي=أدرس آيات التـباهل
عن الحقيقه لا تزل
ألباري قررّ بالأزل
حب الوصي خيرالعمل=فرض واجب على العاقل
لاجن ألظلام
تبعوا الأصنام
وأحنه نوالي الحيدره=نحب علي الكرار
للمرتضى أنصار
=====
مــن بعد هاي ألأدلــــــه=شلون نقبل بعد فكــــرك
روح أبكه على ألضـــلاله=أحنه مــا ننزل بكــــــبرك
ربعك أحنه نعرف بيـــهم=ما ألهم بالحــجي مـــــدرك
أخذ من عدنه النصــــيحه=لا تظل جاهـــــــــل وتهــلك
الينجرعلي بكلبه مرض
بالنسب مدسوس العرض
حب الوصي من الله فرض=أوجـبه القــــــــــــهار ربك
راجــــع القرآن
كُل جلمة أيمان
تعني النبي المصـطفى وحـيدر الكرار
للمرتضى أنصار
==========
أنت تقبل ولا ترفض=أحنه نبكه ويا ألإمامه
يضل داحي البـاب قـايد=عالي بالأمـه مقـامه
يظل حيدر علي من الله=يمتلك هاي الكـــــرامه
صار للإسـلام بيرغ=الكل نصر حيدر علامه
ولناصب الحـــــــيدر علي=يبكه كل عمره ملامـه
ألأحرار مـنًّ تعلمت
درست أفكاره تفهمت
ولخالفه عيــنه عمت=يلبس الــــــــــثوب الـندامه
وبكيفك أختار
لو جنه لو نار
واضح طريق المرتضى واضح للبصار
للمرتضى أنصار
--------------
أنـــوب نرجــــع للمصيبه=وللمــــــــــآسي الفاطميه
هاي العـــوام الطـــويـــله=المرت على الغـــــاظريه
نعاين كأنها البــــــــــارحه=والمعركـــــــــــــــه آنــيه
أنشوف الحسين بكل عزم=متوســــــــــــــط الحربيه
جاسم والأكبر بالخيم
عباس متكفل الحرم
رافع أبجفينه العـــــــــــــلم=بكل ثبـــــــــات ومعنويه
شاءت ألأقدار وحكمة الجبار
زينب تطب ميسره الديـوان الأشرار
للمرتضى أنصار
سيد كاظم الشرع
gglvjqn hkwhv kvtq hgHavhv hgHsvhv hkwhv