طفلة عد مسلم بكت محتاره
راح ابوها وتنشد اعله اخباره
عالدرب ظلّت الجيته تنتظر
ابزغر سنها اتجرعت مر الصبر
عنها سافر والدرب كلش خطر
وتدري بالكوفه اشكثر غدّاره
من بعد ما ايست من جيته
اجت لحسين اليتيمه ونشدته
تكلّه ابوي الراح طالت غيبته
والدمع فوك الوجن يتجاره
حسين كام ابلوعته اعليها يصد
يا حميده ايكلها كافي امن النشد
راح ابوج وبعد لينه ما يرد
اوحيد ظل مشبوحه لينه انظاره