أبوذيه على لسان حال العقيله زينب
والقفل يكون على شكل (هوسه)
حرمهه
منو مثلي الدهر دولب حرمهه
ومن شوفت كمر هاشم حرمهه
أخوي الماي عن نفسه حرمهه
ويذكر أطفاله العطشانه
*******
شمره
شمرني الدهر يا عباس شمره
وبعدك مــــا يطيب الزاد شمره
ويزيد النوب يـامر علي شمره
وبسوطه الشمر يلوعني
*******
بعداك
هضمني الشمر يا عباس بعداك
صدك أتنخه ياأبه الفضل بعداك
ماهمـــني اليســــر لاكيد بعداك
يألمني هواي وياذيني
******
ردنه
الدهر ياناس كصف إلي ردنه
إجينه الكــــربله والزود ردنه
وللكــــوفه يساره إنوب ردنه
بس روس كبالي تباريني
******
عاودنه
عاودنه لكربله عبـــــاس عاودنه
الدهر بعدك على اللوعات عاودنه
وبكينه ويــاك ياعبــاس عاودنه
زوارك كوم إتلكانه
*******
قبله
مثل عبــــــاس كلي أكــو قبله
جفوفه أصبحن لهل الدين قبله
يزاير صحن أخوي الحيد قبله
وكله أختك كوم إتلكاهه
ردت وعيالك وياهه
hf, `dhj fpr hghlhl hgpsdk ,hig hgfdj