سألني احد الأساتذة الفضلاء الأستاذ اسماعيل الشمري المحترم
من اهالي الزبيدية الكرام
-----
السؤال
=========
ليش ابو فاضل وگع بالطف شهيد=وليش يوم السابع اتحدد إله؟
گلي شنهو المعنى عد رب العباد= وليش الله اختاره بيَّن مقتله ؟
جواب الشاعر سيد كاظم الشرع
-----------
منهو آني وأكدر اوصل للجواب=موش سهله هاي صعبه المسئله
لغز هذا وحير اصحــاب العقول=ياهو يكدر هل سؤال يحللـــــــــه
ياهو يكدر يفهــم اسرار الجليل= غير بس ألله القدير ومُرسلــــــه
حسب فهمي انخلق عباس الحسين= ينصر الدين الحنيف بكربلـه
يفدي يسراه ويمين=يفدي عمره للحسين
هذا كل فهمي لعد المسئله
==================
ولله يا استاذ حيرني السؤال= شحجي عن عباس سبع الكنطره
شما أسولف ما أصل كنه الكفيل=ما يعرفه غيــــــر بس الفاطره
علي باب المصطفى الهادي الأمين=وابو فاضل باب لبن الطاهره
اكرم الباري ابن حامــــــي الدخيل=بالشجاعه وغيرته من حيدره
جسد الخوه ابن ام البنين=افده روحه ومهجته دون الحسين
هذا كل فهمي لعد المسئله
===========
تكلي ليش أبكربله يوكع شهيد=وليش يوم السابع تحدد إلـــــــه؟
موقف العباس واضح بالنازال=صلب إيمان وبصيره ومرجلــــه
سر وجوده بكربله يحمي الديار=ويروي العطشان من كومه وهله
ولأن عباس الشهم سابع نهار=جاب ماي النهر وسكه العايلـــــه
ترس جوده وعاد لخيام الحسين=هذا سرالتسميه يا سائلين
هذا كل فهمي لعد المسئله
تره موبس فارس ويحمل صقيل=ابو فاضل عالم بعلم الأصــــــول
ابو فاضل بالعلــــــم عالــم فقيه=اخذ علمه عن علي وطه الرسول
في ميادين العلـــــم فارس جليل= محد يجاري الكمر لمن يصــــول
تخرس افواه الزلم عن الجواب=يجاوب العباس يعطيهم حلـــــــول
من بحر عباس قطره المرجله=لونزل عل الناس تنزل زلزله
هذا كل فهمي لعد المسئله
============
ندري نورالكمر يضوي بالظلام=من يصيرالصبح تطفه شمعته
بس ابو فاضل كمر هاشم تمام=أينوّر التايه بعلمه وحكمـــــته
من يصل حدا لأسد عند الصدام=ومن علي الكرار ماخذ شمرته
والكرم من الحسن من هاشـٍمٍ=والإبا من حسين ماخذ خطتــــــه
العمام مأصله اصل وفصل=والخوال معربه كول وفعل
هذا كل فهمي لعد المسئله
========
الف يا حيف وأسف كل الأسف=بلا دفن يبكه الكفيل عل النهر
ناس ما عدهم ضمير ولا شرف= عايشين معلمين على المكر
من السقيفه تعلموا هذا الخــداع=من مسوخ الناس ابابكروعمر
لو زلم جا كابلوه وجه بوجـــــه=اشراركل افعالهم خســه وغدر
ساعد الله كلب زينب بت علــي=بفكد واليها أشكثر عدهــا صبر
بصبرزينب ولله مضروب المثل=ما بده عليها انكسار ولاملل
هذا كل فهمي لعد المسئله
=========
سيد كاظم الشرع الموسوي
السادس من محرم الحرام = 1437هج
rwd]i hgn hfd hgtqg hgufhs hgtqg