دخول الشام
طور : أنا بقلبي چبیره النار
أو طور : يا دار الأهل يا دار مع حذف رباط المستهل .
بعد كل مقطع هالبيتين
ريت اوياي .. ياخويه
تشوف اعداي .. ياخويه
القصيدة=======
ما أنسی مرار الشام
ما أنسی مصايبها
يوم البيها طبينا
راوتنه عجايبها
=======
من جينه ووصلنا الشام
شفنه الماخطر عالبال
حاطتنه العده كل صوب
وحاطتنه جموع ارجال
حال اقشر يخويه حسين
وادينه امربطه بحبال
كل ساعه ويتيمه اتنوح
وهاي اعداك تضربها
=======
كل ساعه العده يحسين
بأرض الشام ايدورونه
لو شاف الصخر حالي
والله يبچن اعيونه
وتالي ابباب ابو الساعات
بيه يحسين دخلونه
خلونه ابخرابه اشلون
واقعدنه ابترايبها
=======
كل ساعه اشوف الضيم
ماچن آنه بت حيدر
شقد شفت الهضم بالشام
ومن محنها شتصور
يذلونه العده يحسين
شحچیلك بعد أكثر
بالشمس قعدنه اهواي
ابلا سقف اللي يحجبها
=======
قصر الطاغي ما انساه
يوم البيه طبينه
يشتم والدي اسمع
يزيد وينظر اعلينه
ما انسی فعلته اشلون
ابراسك يا ابو اسكينه
يضرب بالعصا اشفافك
وسال الدم وخضبها
=======
أنا اتمنيت ابو فاضل
يجيني يشوف احوالي
يشوف ايزيد يشتمني
يقلي ما إلچ والي
ابلا عباس اظل اشلون
ابد ما چانت اببالي
لخادمة من خدم الامام ع
lh Hksی lvhv hgahl lwhdfih -g'ldm ]o,h