عظم الله اجورنا واجوركم ايها الموالين بذكرى وفاة ام البنين عليه السلام
ابوذيات
يـمـن دمـعچ عـله الأولاد منصاب
عـلـيـهـم ماتم ابكل وكت منصاب
أخـبـره گمـر هـاشم طاح منصاب
وعـبـد الله عـل الـغـبـره رميَّـه
عـن حـسـيـن أسـألـنـج وجيبي
يـكـفـي مـن أشـق ثـوبي وجيبي
جـمـر الـبـيـج يـا زينب و جيبي
و آنـه إويـاج نـتـألـم سـويـه
اجه الناعي وصحت يمه بشر هيّن
ترى الأيام هدنــــــــــــــي بشرهن
سميه وهند بمصـــــــــابي بشرهن
ابمصاب حسين ابن سيد البريه
فحول العرب والنخوه ولدهه
ونصير حسين بالحومه ولدهه
داهي الدهر وياهه والدهه
شبول أربع نطت بالغاضريه
إبـهـيـده يـا زمـانـي إوياي هاوين
حـيـاتـي مـن الزغر ها دمع و هاوين
عـلـه الـصـاحت ييمه حسين هاوين
يـبـعـد أمـك بـعـد ما بيك جيه
عـاشـرت الـمـنـاحه إعليك عشره
و أقـول الـوفـه مـاوفـيـت عشره
لـون عـنـدي ولـد يـحسين عشره
إلـك كـلـهـم فـده يـبـن الزجيه
يـحـسـيـن الـدهر غدار و إخوان
إعـضـامـي بـالوادع إنحنن و إخوان
لـقـدم لـك إشـعندي ولد و إخوان
لـون سـالـم تـرد يـحـسـين ليه
hf,`dhj fpr hl hgfkdk ugdih hgsghl