[نسائم الزهراء]

زينب والمصايب ))

**********
زينب والمصايب // عشرتهم حبايب
أبد مافاركَنهه
هوايه غذِّبنهه
********
بزغر سنهه المصايب رافكَن لايام
وأتحمَّل كَلبهه أنـــــــواع من آلآم
الزمن سيفه يسلَّه ويذبح الاحلآم
مايقبل العين أبغير دمعه تنــــام
عيَّشهه بمراره // وياهه ماله جاره
أخذ لعزاز منهه
هوايه غذِّبنهه
********
جرح ضلع الزجيَّه خلَّه ألف صواب
ثلثين الكَلب ويَّه المصيبه أنصاب
ظلَّت روحهه تسمع ونيــــن الباب
وعالعتبه الدمع لون الدمه سجَّاب
غصب فاركَت امهه // بهظم تجرع ألمهه
ومن يوصف حزنهه
هوايه غذِّبنهه
********
جرح طبرة الراس الفتكَت لجروح
الدار أظلم صفه وبين اليتامه تنوح
الله أيعينهه عالباقــــــي من الروح
بالمحراب دين الله وكَع مذبوح
وجبد الحسن مسموم // هموم ترافك هموم
والمصايب ولنهه
هوايه غذِّبنهه
********
ما تشفه من علَّه ألَّه بجرح ثاني
علم عدهه ويقين شرايح اتعاني
الزمن للغاضريه أستعد ومتاني
هذا آنه يزينب جايب أحزاني
يوم الطف وعدنه // عنَّه شكَد بعدنه
وبد ماخاب ظنهه
هوايه غذِّبنهه
********
مصاب حسيم لم الحزن شيَّبهه
وكَطع جفّينه للعباس دولبهه
ومُصاب الاكبر وجسّام عذّبهه
وسهم نحر الطفل من صابه صوَّبهه
بلا خيمه سبيَّه // بيتامه الغاضريَّه
وحيده بغربه لنهه
هوايه غذِّبنهه
********

المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي

---

.dkf ,hglwhdf ))