مصايب
فاطمه من وين أبديها=ياغصه أعوفن ياهي ألحجيها
فضله ماتعده أرقام= حزنه ماتحصره أقلام
بس ألله الجليل بلـــــــــــــــوحه حاصيها
مصايب
فاطمه من و ين أبديه
----------------------
شكتب عن فضائل بت رســـول الله= والهادي أبوه بروحه يِفديها
آني منهو آني وعرف الزهــــــراء= الزهره ما عرفه إلا بـــاريها
شما أكتب وحاول أجمع ألأضـــداد= فضل وحزان ما أكدر أغطيها
الفضله ماتصل مريم عشرمعشار=وحتى أمه خديجه ما تصل ليها
الغـَضبه يغضب الجباررب الكون=يرضى من رضاه على ليواليها
شرايك بالهجم ليه وحرك للــدار=كسرضلع البتول وما رحم بيها
شما تترضى عنه = النار ترفضه والجنه
ألجحيم تفور تزعل من يطب ليها
مصايب
فاطمه من و ين أبديها
---------------
منين أبدي
مصايب بت رسول الله=يا جانب أعوفه منين أطـــــب ليها
أبدي من فدك من كسرت ألأضلاع=لو سَم النبي المـــــــــختار هاديها
لو من الجنين الطايح على الكـــاع=لوطبرت علي بالكــــوفه نــاسيها
ابدي من الحسن والكربلاء نروح=من حسين الغريب القصه نبديـــها
خل نفرض جدل هاجرفجعه اِلبين=حزنه على النبي إسماعيل مــاذيها
نعم هاجر بجت شافت أثرللسـيف=ما شافت سبايه الضــــــــيم عاليها
هاجر شافت ألآثار = ما وجت خيمه بنار
متعافي أبنـــــــــــــــــــه ورد عدل ليها
مصايب
فاطمه من و ين أبديه
----------------------------
لاجن
فاطمه شافت مُصاب حسين=صريع بكربله وعيالـــــه سابيـها
أدريبك يعاذل تشكـــــــــــــل عليه=تكلي هل روايه منــين ترويــــــــها
ماتت
فاطمه كبل السَبـــــط بسنين=شلون أرض الطفوف الميت يلفيها
أكلك حاضره وشافت مصاب حسين=بعيون العقيله تشوف ندريـــها
العقبله تذكرت أحــــــداث يوم الباب=حين الشاهدة منحـــــــور واليها
زينب باللطــفوف تصـــوّرألأحــداث=مباشر تخـبر الزهره وتناديــــها
جسم حسين بالميدان = تسحكه خيل أبوسفيان
ولا واحد وكف والجثته يحميها
مصايب
فاطمه من و ين أبديه
========
زينب للغري التفت تصيح بصوت=أحضر يـــا علي للعايله حميها
عفا صبرك يبويه ما كلبت الكون=وجفك يكلب العالي على واطيها
لأن سيفك يحيدر نزله المعــبود = ياسيف اليجـابل سيف باريــــها
كل منهم شهد بالخـندق شسويت=على باب الحصن عليت ساريــها
لاجن ستغلوا جلمة المخــــــتار=حين الكال أصبر يــا علي عليــها
بسبب هاي الوصيه زادت لأحقاد=على الزهره البتول وكل ذراريـها
الزهره تندب الموعود =يا ساعه ييمه تعود
تجرد صارمك تملك نواصيها
مصايب
فاطمه من و ين أبديها
-----------------------------
متى مولاي بيدك تسرجنه الخيل=والرايه بيمينك ونت حاديـــــها
عدوانك يبو صالح جثيره الــيوم= إبليس اللعين بمكـــــره غاويها
يمهدي شيعتك هل يوم بين خطار=رومان وترك متــــحالفه عليها
كل يوم اليمرعاشور عدنه يصير=كُل أرض البسيطة كربلـــه بيها
لون بقصى الجزريسكن مواليكم=أبن سعود فتوى بذبـحه فاتيــها
وهذا شاهد البحرين يا مولاي=عدو الله السعودي هل فتك بيها
أبد هيهات ما نخضع = للطغيان ما نركع
بدمانه شجرت ألإســــــــــــــــلام نرويها
مصايب
فاطمه من و ين أبديه