لسان حال طفلة شهيد تتعرف على تابوت أبوها من بين توابيت
الشهداء(رض)سألها احد المشيعين كيف تعرفتي على تابوت
ابوج من بين هذه التوابيت الكثيره فكان لسان حالها يقول
--------------
عمي حكك من توجه هل ســــــــؤال
تكول طفله شلــــــــون ابوها عرفته
شلون مـا اعرف أبوي ابن الــعراق
وآني قطعه من كيانه وجبدتـــــــــــه
عمي شفته مساهر الليل ويــــــــلوج
من سمـــــــــع صوت العقيده نادته
شفته حضر كل شواجير العتـــــــــاد
وشفته طول الليل يدهن تفكـــــــــته
من طلع للمعركــــــــــــه بآخر وداع
عيني ضلت ما تفارج صـــــــــــورته
---------
والدي رافضي بكل معنى الكـــــــلام
بحب علي الكـــــــــــــرار امه غذته
والدي مجنــــــون في حُب الحُسين
والدي عابس زمانـــــــــــه وهيبته
والدي من كصد ســـــــاحات النزال
ثارات الضلـــــــــــع هذي نيته يريد
ما طلع لجل المصالـــــــــح والنفاق
ولا لجل يرضي فُللان وزمــــــــرته
-------------
والدي عطره اختلف عـــــن العطور
عطر أتراب العراق بمهجـــــــــــــته
عطره من عطرالوصي حامي الجوار
المايشم عطره يضـــــــــــــل بخيبته
والدي شفته بجنان الخــــــــــــالدات
بيها أبوي يعيش ويـــــــــــا يمتـــــه
وشفت إمامي حسين يذرفله الدمـوع
وشفت أبو فاضل يقبله بجبهتـــــــــه
إذن هذا الفوز يـــــــــــا عمي العظيم
خل تقر عينـــــــــــــــــه أبوي بجنته
الرافضي
سيد كاظم الشرع
gshk phg 'tgm aid]=hgvhtqd sd] ;h/l hgavu hg.vu aid]=hgvhtqd 'tgm