ضيف العيد
------------------
لفاني الضيف والكـاني سنيح وسادتي ومدود
سألني ليش متكئب كتله الفرح مــــــا موجود
كال اليم عيد وهبه مـــــــــــــــــــــــن المعبود
كلت حكك الف مبروك عليك وهم علينه يعــود
رد وكالي يفلان لونك اصفر وملــــــــــــــجود
أشو دمعك على خدودك حفرله خـــــــــــــــدود
كلت حكك تسولف الحزن بالعيد مــــــــا مريود
شلون تريدني افرح وكلبي عالمصيبه يهـــــود
واحنه نودع الشبـــــــــــان يوميه حشد وجنود
وياريت الربع راضين الحشدنه يشكرون جهود
طلعنه نبوك ثلاجات وعلينه الحجي ومنــــكود
كال اليوم نعمه وعيد من عدنه الشكر مريود
كتله فلان اضن هاي الحكومه الك بيها عــود
كال شلون شيعيه الحكومة اهل نخوه وجـــود
رجال الدين ذوله مـــــــــــــــــــــا عليهم زود
كتله فلان ما عندي خلك ابحث وجيب اشهود
يا عيد وحكومتنه طــــــــاحت بالوطن فرهود
الفرح منوين اجيبنه وانشف دمعـــة المكرود
ملك عثماني صارالهم ورث للحـج ابو عبـود
الف لعنه على الحجي اليخلفله خلف مسرود
ماسواله رشمه الجام ضل مسربت ومهــدود
الحاج مكيف وفرحان ابنه على البشر معدود
سياسي اسلامي يرعى الناس مؤمـــــن عود
يشوف محابسه يلمعن يعني طايــــع المعبود
يحجي بمنهج الكرار ينتظر الولي المــوعود
ما يدري طلع ممسوخ أبنه والفصيلـة قرود
طلع منهم بليس ارحم ما عنده علــيهم زود
عداله وحكم بالقيراط بالعالم فلا مــــــــوجود
اذاباك الفقير رغيف يحكمونه بجرم مشهود
السياسي يبوك مليارات ابدا ما عليه منكـود
لجن يا ضيف اسألك حدثت البطــــاقة ردود
كلي أي اجو للدار كلت فشله وعلي منكــود
كتله يطبك حريشي لأنك جاهل ومســــرود
الرافضي
سيد كاظم الشرع الموسوي
ليلة العيد المبارك9/ذي الحجه/1437
11/ ايلول / 2016
/dt hgud] =hgvhtqd sd] ;h/l hgavu hg.vu hgud]