بسم الله الرحمن الرحيم
اللهم صل على محمد وال محمد
على جروحي غفن
علـى جروحي غفن بالليل الهموم=وتـلـگـاني الـصبـح بالــهم يوعيني
اذا راد الـــفـــرح يـسـامـر ويــاي=يلم حزنه الوكــــــت كلـه ويبچيني
تعلم بيه وكتـــــــــي يزرع احزان=گبل نضجي يحَصدني هوايه ياذيني
مناجل وشَراهه بثمرة جــــــــلاي=اخذ مني العزيز بفگده ســـــــابيني
اخذ مني العزاز الجانوا يعســــون=طول الليل كل همهم يحامـــــــوني
بعدهم ما غمض جفني وتهنه بنوم=عگلي راح مني وصرت مجنوني
احلامي اصبحت مثل السراب بعـيد=عگب عين الأحبه من يسليــــــني
عگبهم ما نمت بفـــــراش وتهنيت=يريت المــــوت بعد الأهل يلفيني
انا بلصيف من عگب الأهـل بردان=ويمر بيه الشته نيرانه تجوينــــي
دولبني الوكت خلاني مـــا شوف=من تطلع شمسها تغمض جفــــوني
لبست المستحه والخجل من الناس=أضم رويحتي لمن يلا گــــــــوني
على جروحي مشت كل السچـاچين=تگص مني ألحـم وعظام ترميني
صارانه ويه وكتي أتعـــارك أسنين=قسم وكتي قسم گــال الا ينهيني
أنهاني الوكت ما خـله شي بالحــــال=متزاعل وياي ورفض يرضيني
لاچن اسوتي بزينب واخوهه حسين=من اذكر كربله دم تهمل عيوني
الشاعره المبدعه المتألقه
اميرة الأحزان
ugn [v,pd =hgahuvi hgljHgri hldvm hgHp.hk hgljHgri hgHp.hk hgpvm