الزهراء ع ومصاب ولدها الحسين ع
طور الهي باسمك الاعظم واسرار
أدوّر أدوّر بالمآتم جني امضيعه
أدوّر أدوّر يا هو يندب ابني لو ينعه
يساعدني بعبره على المگطوع نحره
أدوّر بالمآتم چني امضيعه
********
من مآتم لمآتم امشي بنوح وتتجارى دموعي
من أسمع الناعي زادت جروح قلبي وزاد لوعي
من گبري افز والدمع مسفوح. وايدي على ضلوعي
اصرخ يا حبيبي المات مذوح ابد ما سكن روعي
ابعيني ابعيني شفت المثلث وسط گلبه
ابعيني ابعيني وسهم ثاني ابمنحره يصوبه
ونار القلب جمره على المقطوع نحره
أدوّر بالمآتم جني امضيعه
*********
من ينعي الناعي ويذكر حسين اجر حسره بحسره
اذكر مصرعه وألطم الخدين وتخنقني العبره
مرمي عالثرى من غير تچفين وعبدالله بكتره
جني بكربلا وانظر امسلبين صواوينه وخدره
مصايب مصايب شيّبت راسي وعمت عيني
مصايب مصايب كربلا يا شيعه تاذيني
انوحن فوگ گبره على المگطوع نحره
أدوّر بالمآتم جني امضيعه
*********
انظر بالعزا تدخل النسوان ودموعي هماله
تتذكر مصاب ابني العطشان وايتامه واعياله
من ديره لديره ابين عدوان من بعد الكفاله
يلوعها الشمر بسياطه فرحان وراس ابني قباله
سبايا سبايا فوگ نوگ امربطه بحبال
سبايا سبايا عگب ذيج السلطنه والرجال
وتنادي بألم حسره على المقطوع نحره
أدوّر بالمآتم جني امضيعه
*********
أوگف بالعزا والطم على الراس وادگ بيدي اعلى صدري
نوبه أندب إبني ونوبه عباس ما اهجع بگبري
صوت حسين يصرخ بين لرجاس يخويه انكسر ظهري
من طاح العلم والجود والطاس راح اليوم خدري
واعاين واعاين طيحته وسهم البعينه
واعاين واعاين بو الفضل مقطوعه جفينه
وانوحن من اذكره على المقطوع نحره
أدوّر بالمآتم جني امضيعه
*********
وبليل اهدعش ابذيج البراري أتذكر خيامه
جني بالغريبه ابدمع جاري حواليها اليتامه
تنخه المرتضى وتطلب الباري وزراق الرخامه
بويه حسين ظل مذبوح عاري وصوبني بسهامه
ذبايح ذبايح بالثرى ودمومها تجري
ذبايح ذبايح راح وياها أمل عمري
وحسين انكسر ظهره على المگطوع نحره
ادوّر بالمآتم جني امضيعه
**********
لو شفت الخلايق تشرب الماي اذكر عطش ابني
يصيح اتفتت يايمه احشاي ومني انهد ركني
يا ماي الفرات ابفعلتك هاي اخذت اعزاز مني
واسمع زينب تنادي الرواي وزاد الطفل وني
ظمايا ظمايا تلوج عطشانه تريد الجود
ظمايا ظمايا وبو الفضل مرمي بليا زنود
يويلي عاف عمره على المقطوع نحره
أدوّر بالمآتم جني امضيعه
********تمت
H],v fhglNjl [kd hlqdui - g'ldm g],v hlqdui fhglNjl