نصيحه
------
نصيحه الكل فرد مسلــم لازم يبحث وينشد
يتوخه طريق الخير عن درب العبث يبعـــد
نزول الوادي ما يحتاج منك تتعب وتجهَــــد
لاجن القمم صعبات مو كل اليجي يصــــــعد
المطر ينزل على القمه بس ما يثبت ويصمد
لاجن سهله للوديان يروح بسرعه ويعربـــد
طريق الحك صعب يفلان لا تتصوره معبـــد
محفوف بخطر وشواك مو ريحان ومـــــورد
بل نابت صريم وشوج يجرح جسمك يمرعد
بزمان الفتن احنه اليوم والآراء اخــــذ ورد
لتغرك محابس اربعه ياقوت لو عسجــــــــد
والعمامه جميله مرتبه الطويات مــــا تنعد
بزمان الفتنه لا تبكه خلف كل ناعق تغـــرد
بس خمسطعش معصــوم بيهم التزم ترشــد
اولهم كتـــــــاب الله من الباري نزل مصمــد
الثاني نبي الإسـلام من الله المصطفى مأيــد
والثالث علي الكـرار وصي المصطفى احمد
الزهره وحسن وحسين اولاد النبي ألأمــجد
تسع من الحسين انجاب حجيهم معتبرمسند
علمهم من علم ربهـم الباري الهم يســدد
وبقية الناس ياهل ناس حجيها ينزل ويصعد
سيد كاظم الشرع
kwdpilk rgf latr==sd] ;h/l hgavu hg.vu kwdpilk