عرض مشاركة واحدة
قديم 2016/12/31, 01:19 PM   #1

موالي مميز

معلومات إضافية
رقم العضوية : 3409
تاريخ التسجيل: 2014/09/21
المشاركات: 285
الرافضي سيد كاظم آل حمادي المحمودي الموسوي غير متواجد حالياً
المستوى : الرافضي سيد كاظم آل حمادي المحمودي الموسوي is on a distinguished road




عرض البوم صور الرافضي سيد كاظم آل حمادي المحمودي الموسوي
Icon33 نعيب زماننا والعيب فينا= بقلم سيد كاظم ال حمادي الخواري الموسوي






نعيب على الزمان والعيبُ فينا
---------
الزمن ذاك الزمن نفسه نفس الأيـــام وسنين
ابد ما يختلف شعره عن زمـــــــــــان الأولين
نفس ساعات النهار ونفس ذاك الليل زيـــــن
لو فرضنه حسين يرجع بالطف تعـود السنين
ما أضن يحصل مجاهـــد يسند حسين ويعين
لا تگلي الحشد هذا بوجـــــه داعش واجفين
لا تگلي للعقيدة نضــــــــــــحي أموال وبنين
ادري راح تگلي أعمه مـــا تشوف الأربعين
من جنوب الفاو تمشي الوادم بــلوعه وأنين
تلطم وتدمي الصدور هايمه بحــــب الحُسين
ولا تگلي شيعه احنه مثل عابس عاشجـــين
صاحبي صح التگوله جنود أحنه وطايعـــين
لاچن نعوز القيادة ألمخلصه المو طامـــعين
ادري راح تگلي واهم قاده عدنه محنــــكين
تيار لإصلاح وحزب دعوه بالسياسه ماهرين
والفضيلة خــــوب كلش بالعقيدة مخضرمين
وياهم المجلس لأعلى على المذهب ساهرين
خويه اقسملك بربك همه ذوله المـــــفسدين
حسين لو نفرض يعود بكربله يرجـع حسين
أول الناس ألتذبحه همه ذولــــــــه الخائنين
======
ذوله غايتهم أطمــــــاع سلطه يردون ورتب
ذوله عدهم هدف واحـد والهدف كنـز الذهب
بالعمامة تقشمرينه لسان معســــــول وعذب
بياده يمشي للحسين والدمـع عل خــد يصب
تبينت حيلــــــــــــه وخديعه والطم بين چذب
مكشر نيابه أجانه باگ خـــــــــــبزتنه ونهب
تالي يعمل تسويات وي النجيفي بــــن الچلب
ونت يا شعب الفقير تهوس بلايــــــه گلــــب
انت عل فطره تحبه تعتقد مـــــــــــثلك يحب
يطالب بحگگ يجيبه يطلعه من حلگ الذئـب
تگله تاج الرأس لجــــــلك نگلب الدنيا گــلب
خويه الذنب مو بالطـــغاة الذنب ذنب الشعب
احنه نصنعهم بدينه وعل زمن نبـــدي نعتب
الرافضي
سيد كاظم آل حمادي المحمودي الخواري الموسوي



kudf .lhkkh ,hgudf tdkh= frgl sd] ;h/l hg plh]d hgo,hvd hgl,s,d tdkh=hgavu ,hgyde



توقيع : الرافضي سيد كاظم آل حمادي المحمودي الموسوي
نقرتين لعرض الصورة في صفحة مستقلة


التعديل الأخير تم بواسطة الرافضي سيد كاظم آل حمادي المحمودي الموسوي ; 2019/09/22 الساعة 12:33 PM
رد مع اقتباس