عرض مشاركة واحدة
قديم 2016/10/30, 01:35 PM   #1

موالي مميز

معلومات إضافية
رقم العضوية : 3409
تاريخ التسجيل: 2014/09/21
المشاركات: 285
الرافضي سيد كاظم آل حمادي المحمودي الموسوي غير متواجد حالياً
المستوى : الرافضي سيد كاظم آل حمادي المحمودي الموسوي is on a distinguished road




عرض البوم صور الرافضي سيد كاظم آل حمادي المحمودي الموسوي
Islamic11 قصيده جامعه لمصائب اهل البيت (ع)


شيعة فاطمه دم هلوّا المدمع
مشونه للمدينه للحسن نفزع
نواسي الطاهره الزهره
نواسي حســــين والعتره
الجثمان الحسن بدموعنه نشيع
شيعة فاطمه دم هلوّا المدمع
---------
كبلها خل نروح نواسي داحي الباب
ونضمد جراحـــــــه نعزي المحراب
نعزي الطاهره نجري الدمع سجاب
نهدم دين الحنيف وضاع بالمصرع
-------
نترك كوفة الشر للمدينه أنــــــــروح
ونشوف الحسن بين ألأهل مطــروح
يلله أنساعد حسين ونجيم النــــــوح
خل عيونكــــم تسجب دمه المدمـع
شيعة فاطمه دم هلوّا المدمع
---------
يشيعه خل نروح أنشيع المسموم
ونشوف أشجره وشصار ذاك اليوم
منعوا يندفن يم جده المظـــــــــلوم
وراكبة الجمل عن الدفن تمــــــنع
شيعة فاطمه دم هلوّا المدمع
--------
على ألبغله أركبت وتحشم بمروان
أم الفاسقين الخـــــــــاليه الوجدان
لفاها ابن الطريد مفرع ولهفـــــان
وسهام النذل وسط النعش ترتع
شيعة فاطمه دم هلوّا المدمع
---------
بكلب عباس وجة وسعرت نـيـران
سل سيفه بيمينه وأعتنه المـروان
صاح حسين يــــاعباس ياريسـان
سيفك مو محله بكربله يطــلع
شيعة فاطمه دم هلوّا المدمع
-----------
يشيعه خل نعوف الطيبه خل أنعــود
نتعنه الطفوف ونبذل المجهـــــــود
ونشوف الحُسين شضحه للمعبــود
ضحه مهجة وطفله وهله أجمع
ياشيعة علي دم هلوّا المدمع
---------
مصايب كربله ما تنحسب بحساب
جثيره وشيبت كلب الطفل والشاب
المصــــايب نحلت زينب كلبه ذاب
حتى العين جفت مـــــابعد تدمع
شيعة فاطمه دم هلوّا المدمع
-------------
يشيعي أتصورالحاله بكلب مالوم
لا تنسه الوداع الصار ذاك اليوم
بين حسين ولأكبرعلي الجيـدوم
وليلى أتعاين الحاله بكلب مفجع
شيعة فاطمه دم هلوّا المدمع
---------------
مـن بعد الوداع أتعنه للحومـــــه
علي يشبه محمد جده برســـومه
مثل حيدر علي حملاته معلومــه
لا جن القــدر يا حيف أله أسرع
شيعة فاطمه دم هلوّا المدمع
---------------
نزل للحومه أبو اليمه بكلب مهموم
لكه ألأكبرصريع أموذرينه الكـــــوم
حط خده على خده وصاح يم جلثوم
يزينب راح الكبر بعد ما يرجع
شيعة فاطمه دم هلوّا المدمع
----------
لهفي على الغريب من أعتنه بهمه
العلي ألأكبر يجلب جروحه ويشمه
مـــــــــاأنسه العقيله من دنت يمه
عاف أبنه الشهم ليه رجع مسرع
شيعة فاطمه دم هلوّا المدمع
--------------
ينادي يا عقيلة والـــــــــدي حيدر
ردي للخيـــــــــم سكـــــتيلي الخدر
أعز خدرج يزينب مــن علي ألأكبر
يختي اساعه أجيبه وللخيم أرجع
شيعة فاطمه دم هلوّا المدمع
---------------
جمّع كُل قواه وحاول أيشـــــيله
لجن عظم المصيبه أخذ كُل حيله
كلي أشلون حـــــــال ألوالده ليله
شلون ألأم على أفراك ألولد تهجع
شيعة فاطمه دم هلوّا المدمع
------------
رمله تحشم الجاسم يماي العيــن
هذا حسين عمك ما بكاله أمعيـــــن
يبني العرس خله وحامي عن الدين
عرسك بالحشر يـــــم النبي ألأروع
شيعة فاطمه دم هلوّا المدمع
------------
كأني بجاسم يكلها يبـــــــــعد أجلاي
أضحي دون عمي بيسرتي ويمناي
من عودي الحسن يمي وصيه هاي
شحلات الموت دون حسين والمصرع
شيعة فاطمه دم هلوّا المدمع
-----------
مــاأنسه الشباب ابن الحسن جاسم
نزل فرحان للحومه بوجه باســـم
برماح وسيوف أحتاشة الــــــوادم
طاح على ألوطيه وجه يتشعشــــع
شيعة فاطمه دم هلوّا المدمع
------------
وعباس الشهم ما راوده كل خوف
طشرها وجمعه يوزع إلها أحتوف
مثل نسرالبراري وحدّرعلى أرفوف
لاجن ألأمر من السمه مشـــرع
شيعة فاطمه دم هلوّا المدمع
-------
كون أيطيح عباس على المسـنايــه
ويطيح الجود والجفين والرايــــــه
لهفي على اليتامه التنـــــتظرمايـــه
ضلت بالخيم تتنطره يرجــــــــــــــع
شيعة فاطمه دم هلوّا المدمع
------------
لهفي على الكمرحامي الظعن عبــاس
ما انسه بعمد مهشوم منـــــه الـراس
من بعده على زينب جسرت ألأرجاس
شمر بالسوط لمتون الحرم لـــوع
شيعة فاطمه دم هلوّا المدمع
---------------
ماأنسه الغريب حسـين لمـــــن راح
تمدد يم عضيده والدمع سفــــــــــاح
أنكسر ظهري ينادي ونطفه المصباح
بعد ما شوف دربي ولا بكه مفزع
شيعة فاطمه دم هلوّا المدمع
---------
رد من النهر يتعثر بهـــــــــــمــه
وعقيلة هاشم بســرعه لفت يمــه
تنشده وين أخونه راح أبو الهمــه
يكلها على النهر يا زينب المصرع
شيعة فاطمه دم هلوّا المدمع
-------------
يزينب راح أخوج الجان ما ينجاس
يزينب عالنهرطـــاح العلم والطاس
يزينب خدرج أخلاف الكمر ينداس
وزجر بالسوط لمتونج تره يلوع
شيعة فاطمه دم هلوّا المدمع
-----------
لفت يمه الرباب تصيح راح أحماي
يبو اليمه الخبر زيد علي بلـــواي
عبدالله رضيعك أيس من المـــــاي
عكب عباس ياهو اليسجي الرضع
شيعة فاطمه دم هلوّا المدمع

الشاعر الرافضي
سيد كاظم الموسوي



rwd]i [hlui glwhzf hig hgfdj (u) hgfdj [hlui



توقيع : الرافضي سيد كاظم آل حمادي المحمودي الموسوي
نقرتين لعرض الصورة في صفحة مستقلة


التعديل الأخير تم بواسطة الرافضي سيد كاظم آل حمادي المحمودي الموسوي ; 2019/09/05 الساعة 07:51 PM سبب آخر: خطأ املائي
رد مع اقتباس