يخوتي بغربتي لا لا تخلوني
شيصبر دليلي من تودعوني
.............................
شيصبر دليلي يخوتي بهالليل 1
وكبالي المعسكر والزلم والخيل
من كثر المصايب ما بقالي حيل
يهلي لهالمصيبه انوب جبتوني
................................
جبتوني يخوتي وزادت جروحي 2
للطف والنوايب تاكل بروحي
احس هالليل باجر للحزن يوحي
كل ضنكم وحيده هنا تعيفوني
.................................
كل ضنكم اختكم تبقى وحدهه
وتعيفون كلشي ومحد يردهه
كلولي على اهلها من يساعدهه
ويلم الشمل لو يحدي بضعوني
............................
من يحدي يخوتي باجر بضعني
ومن يجمع يتامه من تشت مني
اضن باجر يخوتي العدو يسلبني
ولا واحد العندي اللي يكف دوني
...................................
ولا واحد اشوفن منكم كبالي
وتدرون العدو ما يرحم بحالي
باجر يخوتي من يجمع اطفالي
لو يملك محنه ويمسح عيوني
.....................................
من يمسح دمعتي التلتهب عالخد
احس باجر نهاره من الحزن اسود
يهلي وياي باجر ما يضل احد
بطلوا من الوداع البي تخوفوني
....................................
بطلو من الوداع وكوم يا عباس
شوف المن اجتني لكربله هالناس
بلكت ذره عدهم من شرف واحساس
ويرجعون كلهم لا يروعوني
.................................
ويرجعون عنكم يخوتي وانسر
تدرون لبعدكم خويه ما اكدر
من غيرك يجينه وللضعن ينغر
لو غيرك يخويه يعرف مكنوني
....................................
gdgm hgph]d uav lk hglpvl>>gshk hgurdgi ugdih hgsghl