السلام عليكم شحوالكم ؟
كلنا نعرف شهر محرم وصفر قتل اشرف المخلوقات والكون يجري له وخلق لأجله الحسين بن علي عليه السلام
ما باقي شي تقريبا لدخول شهر محرم وصفر اشهر الأحزان
طبعا الكل يعرف ان محرم وصفر شهر اسود لا يلبس به الا السواد
والناس ملتزمة بالاسود الى ربيع ..
وطبعاً في زمننا .. صار مو لازم اسود
بس اول العشرة وخلاص >> ما اتكلم عن الكل .. عن البعض
وصار عااادي الناس تحتفل باعياد ميلادها ..
او عيد ميلاد زوجها .. او ولادة ابنها ..
ولو بتكلم عن عادات الأول بنلاحظ اختلاف كبير ..
الاول طول محرم وصفر اسود ..
مافي مكياج .. مافي لبس جديد .. مافي بخور
مافي اي نوع من انواع المبارك .. سواء مواساة عيد ميلاد ..
مافي أشياء كثيره تظهر الفرح .. ( وطبعا مازال هناك ناس ملتزمة بهاي الموضوع )
وطبعا ايام عشرة محرم الاول .. يقولون بس الحزن يخلص منه أما البقيه بس سبي زينب وسبي زينب سهل تعتقدون
وخلاص تخلص العشره الاولى نشوووف يادافع البلا ..
فلللل ميك آآآآب .. ثياب الوان واشكال .. الاشياء الجديدة عادي تنلبس ؟!
والأغاني توصل لآخر شارع .. ومواليد واصله للآخر والرقص والاستهتار،..
بعدين استغفرالله .. تستهزأ وتستغفر عجيب يعني ..
احنا ما نقول مانهتم بنظافتنا مانبتسم مانفرفش بس بمعقولية .. مو أسلوب لا يجوز فاطمة الزهراء وملائكة السماء تبكي في ها لشهرين
مو قادرين تتحملوا هالشهرين ؟؟ طيب وزينب وحالها بنت علي ؟؟
ليه طيب تقولوا شيعه وتعملوا كذا .. طيب بم أنكم تدعوا انكم شيعه التزموا بالأمور الشيعية
يعني صارت شهر محرم وصفر اشهر عااادية
ولا كأن احنا في شهر قٌتل فيه الامام الحسين ( ع ) .. عشانا وعشان ديننا !!
معقولة نتبارك فيهم ؟! هالشهرين ما تباركت فيهم الا بني أمية ؟
لو أحد غالي وعزيز عليكم توفى
أكيد راح تلتزمون بالاسود 40 يوم وعن كل زينة
هل هذا الغالي الي فقدتونه اعز من الحسين ؟!
-----
هل تلتزمون بلبس الاسود طول الشهرين محرم وصفر ؟
هل تُقيمون حفلات عيد الميلاد .. وذكرات سعيده ؟
هل فعلاُ .. صار شي غير مهم ان احنا نلبس الاسود شهرين ؟!
بعض الناس مثل الشباب يطلعون استراحات منتزهات يضحكون بأصوات مرتفعة وين كلمة الحسين في قلوبنا ؟
نفديه بدمنا وأرواحنا ولا بس تفاخر
البنت تلبس الجديد والشاب كذلك والضحك يوصل كل مكان من الشرق الى الغرب
حرام والله العظيم حرام يعتبر شماته
تخيل تروح وفاة أخو صديقك وتضحك بصوت صديقك موقفه منك ايش بكون
ليه جاي العزاء من الأساس
اتقوا الله ياشيعة علي هذا نور عين الزهراء
بإنتظار تعليقاتكم ووجهة نظركم ..
وأتمنى يكون موضوع نقاشي خفيف عليكم
طرحته من واقع أليم ..مفجع وحزين
شيعة علي بالاسم تنسب .. والأفعال لا تحكم في مذهب أمير المؤمنين
aivd lpvl ,wtv >> ,hgp.k ,hglchshm