هذا المستهل وردني من احد المؤمنين الكرام
-------------
ليش ابو فاضل وگع بالطف شهيد@ليش يوم السابع اتحدد إله؟
گلي شنهو المعنى عد رب العباد@ليش الله اختـــاره بيَّن مقتله؟
====جواب====
منهو آني وأكدر اوصل للجواب=موش سهله هاي صعبه المسئله
لغز هذا وحير اصحــاب العقول=ياهو يكدر هل سؤال يحللـــه
ياهو يكدر يفهــم اسرار الجليل= غير بس ألله القدير ومُرسلـــه
حسب فهمي انخلق عباس الحُسين= ينصر الدين الحنيف بكربلـه
يفدي يســراه ويمين
يفدي عمره للحسين
هذا كل فهمي لعند المسئله
----------
موقف العباس واضح بالنزال=صلب ايمان وبصيره ومرجلـــه
تكلي ليش بكبله يوكع شهيــد=وليش يوم السابع تحدد إلـــــــه؟
سروجوده بكربله يحمي الذمار=يروي العطشان من كومه وهله
يوم حدر للفرات ابن الأميــر=شردت الفرسان محد قابلــــــــه
ملئ جوده ورجع لخيام الحُسين
هذا سرالتسميه يـــــــــا سائلين
هذا كل فهمي لعند المسئله
-----------
ولله يا استاذ حيرني السؤال=شحجي عن عباس سبع الكنطره
شما أسولفماأصل وصف الكفيل=مايعرفه غيــــــر بس الفاطره
علي باب المصطفى الهادي الأمين=وابوفاضل باب لبن الطاهره
اكرمه الباري ابن حامــي الدخيل=بالشجاعه وغيرته من حيدره
جسد الخوه ابــــــــــــــن ام البنين
افده روحه ومهجته دون الحسين
هذا كل فهمي لعند المسئله
-----------------
تره موبس فارس ويحمل صقيل=ابوفاضل عالٍم بفقه واصــــــــــــول
علمه من المرتضى حامي الدخيل=هل علم عن النبي الهادي الرسول
في ميادين العلـــــم فارس هُمـــام=محد يجاري الكمر لمن يصـــــــول
تخرس افواه الزلم عند الســـــؤال=يجاوب العباس يطيهم حلـــــــــول
من بحر عباس قطره المرجله
لو نزل للحرب تنزل زلزلـــــه
هذا كل فهمي لعند المسئله
--------------
اجنه ندري الكمر يضوي بالظلام=من يصيرالصبح تطفه شمعته
بس ابو فاضل كمر هاشم تمـــــام=أينوّر التايه بعلمه وحكمـــــته
من يصل حدا لأسد عند الصدام=ومن علي الكرار ماخذ شمرته
بالكرم ماخذ سجايه مــــن الحسن=والإبا مـــن حسين ماخذ خطته
العمام مأصله اصل وفصل
والخوال معربه كول وفعل
هذا كل فهمي لعند المسئله
------------
الف يا حيف وأسف كل الأسف=بلا دفن يبكه الكفيل عل النهر
ناس ما عدهم ضمير ولا شرف=عل نفاق معلمين وعل مُكــر
لو زلم جا كابلوه وجه بوجــــه=اشرار كل افعالهم خسه وغدر
ساعد الله كلب زينب بت علــي=بفكد واليها أشكثر عدهـا صبر
بصبر زينب ولله مضروب المثل=ما بده عليها انكسار ولا ملل
هذا كل فهمي لعند المسئله
------------
الرافضي
سيد كاظم الشرع الموسوي
gda hf, thqg ,;u fhg't aid] hg.vu tqg==hgvhtqd ;h/l