((أدخيلك يا علي وبحماك ))
-------------------
أدخيلك يا علي وبحماك= دنيا وآخره ترجاك
حضورك بالكبر يمي=يحيدر ينجلي همي
ما احذر نكير هناك=أدخيلك يا علي وبحماك
---------
علي يا حاضر الشـــداة=بحضرتك نوخ أرجابي
بفلوسي جنت فرحـــان=وجاهي وكثرت ألقابي
يحيدرماحسبت أحساب=أموت ويلفي طلابـــــي
ماعندي من الزيــــنات=يحيدر شنهو جــــوابي
عندي بس عمل واحد=ولاكم وانتم أحبـــــــابي
المصايبكم أحن وانعه=عليكم أسجب الدمعه
دمع عيني يهل لجلاك
دخيلك يا علي وبحماك
----------
دخيلك خلصن سنيــــني=لفاني الموت المكـــــــدر
جنت متونس بدنيـــــــاي=الكبري ما جنت أذكــر
بولادي جنت مــغرور=غفلت أحسابي والمحشر
نسيت أنفاسي مـعدودات=سِيدي أموثـق أمصـــور
لاجن واثق ومــــاخاف=لأ نك تملك المعبــــــــــر
يحيدر أنت حامي الجار=لون ذبتيني بالنـــــار
أضل اصرخ علي أهواك
دخيلك يا علي وبحماك
------------
بفلوسي جنت مفتــــــــون=نسيت الغربه بعد المـــوت
بساتيني جنت مشغــــــول= بس ابني فلل وبيـــــــوت
على غفله نزل عزريـــــل=سلب مني السمع والصوت
غريب بحفرتــــــي طبيت=صرت للدود زاد وقـــــــوت
جفاني الجنت أكد لجلــه=وخاف الريح يمه تفـــــــوت
تركني بغربه خلاني=جني موش أبوه آني
سارع يحسب ألأملاك
أدخيلك يا علي وبحماك
=========
من هالوا عليه تـراب=وجنانيزي بدت ترجـــع
نعم جان ابني مـــتأثر= عليه ويسجب المدمــع
ثلث تيام ضل مهمـوم=عداهن صــــــــار يتمتع
يوم الرابع الدفنــــــي= كام ينقص ويجمـــــــع
ابوي شعنده ماليـــه =شكثر حكي الورث يطلع
نساني بالكبر وحدي =وحيد بغربتي ولحدي
دخيلك يا علي وبحماك
بس حيدرشفيعي هناك
--------
يبن آدم أنصحنك=ونصح نفسي آني وياك
لا تتقشمر بأموال=لا بولاد لا بمـــــــــلاك
وراك الموت مهما تكون=لابد تسكن بلحداك
بس أحسانك ينفعك= يوم اتفارج الدنياك
تصدق ونت حي بيدك=ما ينفع تره بعداك
لا ريس ولا قايد =كلها بالحكم واحد
عداله بالقضاء هناك
دخيلك يا علي وبحماك
سيد كاظم الشرع الموسوي
]odg; dh ugd ,fplh;=hgvhtqd s];h/l hgavu hg.vu ]odg; s];h/l ,fplh;=hgvhtqd