وين الشبّان --- صاحت بأحزان
تعلگ شمعي ---- وتمسح دمعي --- صاحت بأحزان
**********************
انا أمّك يجاسم ذاب --- گلبي والظهر محني
إجيت أعثر انا بهمّي --- يجاسم واعثر بحزني
إجيتك والدمع طوفان --- انادي بشوغتي و ونـّي
انا أمّك صحت يبني --- أموتن لو رحت عني
يارب ناديت --- آنه الربّيت
أبچي وأدعي --- وتمسح دمعي --- صاحت بأحزان
*************
ناديتك يجاسم وين --- ناوي تروح عن أمّك
مو ردنه الوكت يبني --- نفرح بيك أنه وعمّك
نحنـّي ردنه لچفوفك --- وتضمنه يبني ونضمّك
وإجت زينب تهنـّيني --- وبني هاشم إجت يمّك
وجّت شمعات --- بليل الآهات
بروحي وضلعي --- وتمسح دمعي --- صاحت بأحزان
*********************
شمالك يا نظر عيناي --- گلبي تكسره متجبره
وتـْخلـّي بثنايا الروح --- من فرگاك هالجمره
عني لو رحت يبني --- تضل للموت متوجره
تعال إنظر جرح گلبي --- البعد ما ظن أبد يبره
ونادتلي الروح --- للهم والنوح
گومي وفزعي --- وتمسح دمعي --- صاحت بأحزان
************
شمالك من رحت عني --- تحاچيني بدمع من دم
وچن دمعك يگلـّي إبنچ --- يرملة ما أظن يسلم
ليش أمك تشوف الموت --- يمّك گاعد إتحزّم
وشفت مو للعرس يبني --- لچن للموت تتبسّم
ولأمّك ناديت --- وليهه حاچيت
لبنچ ودعي --- وتمسح دمعي --- صاحت باحزان
***************
انه أمّك وأريد أعجن --- يبني حنـّتك بيدي
وأخلطهه بدمع عيناي --- وأعجنهه بدمه وريدي
انا بيدي صرت هاليوم --- أزف بالحومه لوليدي
أزفـّه للحرب وآنه --- نسيت بزفـّته لعيدي
وسط الميدان --- عيد وأحزان
أركض وأسعي --- وتمسح دمعي --- صاحت بأحزان
****************
يوليدي أصيح بصوت --- وگلبي من الحزن ممرود
جاوبني تره يبني --- نار أحزاني لا متهود
هم ترجع بعد ليّه --- لو تمشي وبعد متعود
أضل الليله أتنطـّر --- لو صار الأمل مفگود
صيح الآمال --- بيهه بكل حال
لاتنخدعي --- وتمسح دمعي --- صاحت باحزان
****************
رحت يبني لچن وياك --- مني راحت آمالي
وحياتي والعمر والروح --- مشت وياك يالغالي
شتظن أنساك من تبعد --- وما تخطر على بالي
صدّگني يضل للموت --- رسمك واگف إگبالي
للموت وياك --- لتظن أنساك
ضخري ودرعي --- وتمسح دمعي --- صاحت بأحزان
*****************
,dk hgaf~hk --rwd]m ggrhsl ugdi hgsghl