آنه باقي بــس جســد يمچ يعمّـه
روحي راحت بالحصيره البيها جسمه
روحي بقت وديعـه
يم خنصره ورضيعه
آه يعمه * آه يعمه
ــــــــــ
آنه مو هســه متت
من زمان استشهدت
وبس جسد ضال
آنه جمعت العـــمر
وگلبي نزلته بگبــر
ويه الاوصال
آنه عمري امودعه وي حلو المحاچي
بيه حسره وباقي بس لجل البواچـي
روحي اصبحت صريعه
يم خـنصره ورضيــعه
آه يعمه * آه يعمه
ــــــــــــ
الله قرر هالجســد
وياچ يمشي وهم بعد
يحمي الايتام
روحي يمه معــلگه
وهالجسد يمــچ بگه
وراح للشام
عمه يا روح التضل وانتـــن سبايا
العينه شافت فرق عالسامع روايه
عمري انتهى ربيعه
يم خنصره ورضيعه
آه يعمه * آه يعمه
ــــــــــــ
آنه متّ ويه النبــل
الشفته بوريد الطفل
وشبعت موت
واللي زيّد محنتي
وبيه صارت موتتي
من اسمعت صوت
بويه أوصيك الطفل خله اعله صـدري
وخل نحر عبد الله يوليدي اعله نحري
الله يهالــفجيعــه
يم خنصره ورضيعه
آه يعمه * آه يعمه
ــــــــــــــ
متت وي دفن اخوتچ
باقي بس لحمايتــج
رغم هالگيـد
صرت لدروبچ ضــوه
وحتى من نخطب سوه
بمجلس يزيد
جسمي يمج روحي يم شيخ العشيره
عمري شمعه وذاب وي ذيچ الحصيره
وهـذا الخبر أذيعه
يم خنصره ورضيعه
آه يعمه * آه يعمه
ـــــــــــــــ
عمه شفت الآخره
من نظرت لخنصره
بعيني شفته
خاتمه مسلب الأبـو
وبي أثر خنجر عـدو
وبيدي شلته
آنه ودعت العمر وي دفن الأطياب
عمه آثار الخيول بجسـم الأحـباب
عمله شكثر شنيعه
يم خنصره ورضيعه
آه يعمه * آه يعمه
ـــــــــــــــ
روحي وي الاكبر بقت
وعالشباب اتحسَــرَت
كلها شبان
آه يا أم الخــــدر
دفنت چم شاب بگبر
وهوه عطشان
آنه ميــت عمــه من ذيچ المســيه
شحـال المنزّل وذر جثة أخيــّـــه
جروحي اصبحت وسيعه
يم خنصـره ورضيــعه
آه يعمه * آه يعمه
ـــــــــــــــ
مهدي التقي
Nki fhrd fJJs [sJJ] dlچ dul~Ji -rwd]m gaih]m Ylhlkh hgs[h] ugdi hgsghl fJJs [sJJ]