ذوله احنه مولاي فدوه انروح لعيونك
ــــــــــــــــــــــــــــــــــــــــــــــــــ ـــــــ
احنه اصحاب الولايه والرسول**يا حسين
ندخل لكل موت بس لنَّك تگول**يا حسين
جون عابس مسلم وكل الفحول**يا حسين
وزينب بأرواحنا نفاديها
ــــــــــــــــــــــــــــــــــــــــــــــــــ ـــــــــ
اسمعنه زينب خايفه انعوفك وحيد**يا حسين
وجينه نقسم ليها بكتاب المجيد****يا حسين
لو وذر صرنه اووذرصار الوريد**يا حسين
ما نعوفك لا وحق باريها
ــــــــــــــــــــــــــــــــــــــــــــــــــ ـــــــــ
انا ابن ظاهر اجيتك وي زهير***يا حسين
ما نعوفك دوم لو مهما يصير***يا حسين
هذا راي انصاركم يبن البشير***يا حسين
والايادي بحبك انلاويها
ــــــــــــــــــــــــــــــــــــــــــــــــــ ــــــــــ
نقسم بحبك يبن زهــــــره البتول***يا حسين
من گبل هاشم ترانه احنه النصول**يا حسين
يخسه كلمن عافكم يهل الاصول*** يا حسين
أل اميه الفاجره انعاديها
ــــــــــــــــــــــــــــــــــــــــــــــــــ ـــــــــــــ
شنهي اميه وتوصل لحد الخيم****يا حسين
منها هاي اسيوفنه وخل تجري دم*يا حسين
ويله كلمن يعتدي اعله اهل الشيم* يا حسين
يحضى بالعار وسقر يصليها
ــــــــــــــــــــــــــــــــــــــــــــــــــ ـــــــــــــ
واليحب القربى خل يحچي ويصيح**يا حسين
احنه كلنه اوياك نعله وما نطيح****يا حسين
ريت دمنه ابدال دم راسك سفيح*** يا حسين
بلكي ذيچ الطاهره انواسيها
ــــــــــــــــــــــــــــــــــــــــــــــــــ ـــــــــــ
ثورتك هزت عروش الظالمين**يا حسين
زلزلت عرش الطغاة المجرمين**يا حسين
چلمتك هيهات أبْداً ما تلين***** يا حسين
والعداله منحرك يسگيها
ــــــــــــــــــــــــــــــــــــــــــــــــــ ـــــــــــ
انتم الاســــلام بيكــــــم اكتمل***يا حسين
والدليل الحي على خير العمل***يا حسين
بيكم القران وصى من نــــزل***يا حسين
عترة احمد ويله ليأذيها
g'ldhj l;j,fi ggsd] [fhv hgl,s,d