(( بطاقة تهنئه))
إلى ///// سيدي الحجه بن الحسن عليه السلام وعجل الله ظهوره المقدس
==========
بطاقة تهنئه مليانه بالآهـــــــــــــــــات=الجناب الغائب الحــــاضر نوًّديه
تنصيبك يبوصالح علينه هيج الأحزان=عذرا سيدي هل الچلمه أحچـــيه
لچن ضاق الصدر مولاي تسمــــــحلي=بدال الورد باقة حــــــــزن اهديه
حگنه لو حزنه اليوم بالتــــــنصيب=حگنه لو تهل أعيونه من دم بواچيه
ونهديلك حزن ودموع بالحسرات=بفگدنه ألوالدك دمعات نجــــــــــــــريه
بسَم الطاغيه يگضي الحسن ياحيف=الله يعظم أجرك ســـــــــــــيدي عليه
وبعد عدنه مصايب ما يعدها حسـاب=وحضرتك سيدي تعرف شـــــما بيه
عن يا جرح نحچى والجروح هـواي=منين ابدي المصيبه منين ارويـــــه
أبدي بجدتك بنت النبي المخـــــــتار=يا جانب أعوفه منين أطــــــــــب ليه
مصائبه چثيره ويعجزالحـــــــاسوب=بس الله الجليل بعـــــــــــلمه حاصيه
أبدي من فدك من كسرت الأضلاع=لو سَم النبي المـــــــــــــــــختار هاديه
لو من الجنين الطايح على الگــاع=لو طبرت علي بالكـــــــــــــوفه ناسيه
لو من الحسن يوم الگضه مسموم=لو من الحسين القصه نبديـــــــــــــــه
خل بكربله نبدي ونهل دمـــــــــوع=على حسين الذبيح وأخته ســــــــابيه
خل نفرض جدل هاجر فجعه اِلبـين=حزنه على النبي إسماعيل مـــــــاذيـه
نعم هاجر بچت شافت أثر للســـيف=ما شافت أطفال الهضــــــــم عاليـــــه
ما شافت طفل من اللبن محــــــروم=ثدايه أمه تجف مــــــــا ضل لبن بيــه
ما شافت عليل مگيد بأصــــــــــفاد=ولا شافت حرم للشــــــــــــــــام سابيه
ما شافت يتامه مچتفه بحـــــــــبال=والحــــــــــــــــــادي نذل ويسب أهاليه
ولا شافت جثث مرمــيه عل تربان=بدون أچفان ذاري الترب غاطــــــــــيه
ولا شافت ابنه بخيلهم داســـــــوه=من بعد الشهادة ضلوعه هشــــــــموهه
ما شافت علم فوگ النهر ملفــوف=ولا شافت چفوف العدى مگطــعيـــــــــه
كل هذا جرى وزينب تشوف الصار=صوره وصوت لمها ألقــــــــصه ترويه
تحشم بل كفيل وتندب الــــــــــكرار=أحضر يا علي لأيتامك أحـمــــــــــــــيه
بويه من المدينه وحضرة سـلــمان=شلون اليوم زينب مــــــــــــــا تجي ليه
ضرباتك وتر يا حيدر ومعـــــروف=تضرب ضربه وحده ومـــــــــــــا تثـنيه
أليفر من سيفك ألفـقار مـــــا ينلام=تعتبره العرب ضيـــــــــــــــغم براريـــــه
سيفك سيف ألله ونزله المعـــــبود=يعني الموت بالمــــــــــــــــــيدان تانــــيه
كل منهم شهد بالخـندق أشسويت=على باب لحصن عليت ســــــــــــــــــاريه
عفه صبرك يحيدر ماگلبت الـــكون=من شفة الفواطم شمر يحديــــــــــــــــه
صوت الثورة الرافضه
سيد كاظم آل حمادي المحمودي الخواري الموسوي
hgn LLLLsd]d hgp[i u[ hggi /i,vi hglr]sLfrgl sd] ;h/l Ng plh]d hglr]s hgp[i sd]d