(فاطمه أم أبيها عليهما اصلاة والسلام)
------------
مصايب فاطمه من وين أبديها=ياغصه أعوفن ياهي ألحجيها
فضلها ماتعده أرقام= حزنها ماتحصره أقلام
بس ألله الجليل بلــــــــــــــــــــــــــــــــــــــوحه حاصيها
مصايب فاطمه من و ين أبديها
----------------------
شكتب عن فضائل بت رســـول الله= والهادي أبوه بروحه يِفديها
آني منهو آني وعرف الزهــــــراء= الزهره ما عرفها إلا بـــاريها
شما أكتب وحاول أجمع ألأضـــداد= فضل وحزان ما أكدر أغطيها
الفضلها ماتصل مريم عشرمعشار=وحتى أمها خديجه ما تصل ليها
الغـَضبه يغضب الجباررب الكون=يرضى من رضاها على أليواليها
شرايك بالهجم ليه وحرك للــدار=كسرظلع البتول وما رحم بيهـــــا
شما تترضى عنه = النار ترفضه والجنه
ألجحيم تفور تزعل من يطب ليها
مصايب فاطمه من و ين أبديها
---------------
منين أبدي مصايب بت رسول الله=يا جانب أعوفه منين أطـــــب ليها
أبدي من فدك من كسرت ألأضلاع=لو سَم النبي المـــــــــختار هاديها
لو من الجنين الطايح على الكـــاع=لوطبرت علي بالكــــوفه أنسيهــــا
ابدي من الحسن والكربلاء نروح=من حسين الغريب القصه نبديـــها
خل نفرض جدل هاجرفجعها اِلبين=حزنها على النبي إسماعيل مــاذيها
نعم هاجر بجت شافت أثرللسـيف=ما شافت سبايه الهظــــــــم عاليها
هاجر شافت ألآثار = ما وجت خيمها بنار
متعافي أبنـــــــــــــــــــها ورد عدل ليها
مصايب فاطمه من و ين أبديها
----------------------------
لاجن فاطمه شافت مُصاب حسين=صريع بكربله ولعيلـــــه سابيـها
أدريبك يعاذل تشكـــــــــــــل عليه=تكلي هل روايه منــين ترويـــــها
ماتت فاطمه كبل السَبـــــط بسنين=شلون أرض الطفوف الميت يلفيها
أكلك حاضره وشافت مصاب حسين=بعيون العقيله تشوف ندريـــها
العقبله تذكرت أحــــــداث يوم الباب=حين الشاهدة منحـــــــور واليها
زينب باللطــفوف تصـــوّرألأحــداث=مباشر تخـبر الزهره وتناديــــها
جسم حسين بالميدان = تسحكه خيل أبوسفيان
ولا واحد وكف والجثته يحميها
مصايب فاطمه من و ين أبديها
========
زينب للغري التفت تصيح بصوت=أحضر يـــا علي للعايله حميها
عفا صبرك يبويه ما كلبت الكون=وجفك يكلب العالي على واطيها
لأن سيفك يحيدر نزله المعــبود = ياسيف اليجـابل سيف باريــــها
كل منهم شهد بالخـندق شسويت=على باب الحصن عليت ساريــها
لاجن أستغلوا جلمة المخــــتار=حين الكال أصبر يــا علي عليــها
بسبب هاي الوصيه زادت لأحقاد=على الزهره البتول وكل ذراريـها
الزهره تندب الموعود =ياساعه علينه تعـــــود
تجرد صارمك تملك نواصيها
مصايب فاطمه من و ين أبديها
-----------------------------
متى مولاي بيدك تسرجنه الخيل=والرايه بيمينك ونت حاديـــــها
عدوانك يبو صالح جثيره الــيوم= إبليس اللعين بمكـــــره غاويها
يمهدي شيعتك هل يوم بين خطار=رومان وترك متــــحالفه عليها
كل يوم اليمرعاشور عدنه يصير=كُل أرض البسيطة كربلـــه بيها
لون بقصى الجزريسكن مواليكم=أبن سعود فتوى بذبـحه فاتيــها
وهذا شاهد البحرين يا مولاي=عدو الله السعودي هل فتك بيها
أبد هيهات ما نخضع = للطغيان ما نركع
بدمانه شجرت ألإســــــــــــــــلام نرويها
مصايب فاطمه من و ين أبديها
--------------------
سيد
كاظم الشرع
rwd]m th'li hl hfdih==sd] ;h/l hgavu hg.vu hfdih==sd] th'li rwd]m ;h/l