قصيدة خُذْ وَلائي - كَرْبَلائي مكتوبة

[النبأ العظيم]

قصيدة خُذْ وَلائي - كَرْبَلائي مكتوبة

.. صوت الرايه ..


خُذْ وَلائي - كَرْبَلائي
لو تعبن الرجلين - أوصل زحف لحسين
خُذْ وَلائي - كَربَلائي

مجنون وحبك علمني - ماساوم وأخضع هيهات
هيهات الذله تعاشرني - وإلمات ابدربك ما مات
چم طاغي إلحاول يمنعني - وأرفع رايات الثارات
لبيك إلحد گطع المنحر - وصوت الدم يصنع ثورات
في دِمائي - يا رَجائي
أثبت أصول الدين - أوصل زحف لحسين
خُذْ وَلائي - كَرْبَلائي

شايل يوم الطف بعيوني - وبجفني تنام الأحزان
نتعلم من هذا المنبر - نصنع ثوره اعلى الطغيان
ملتزمين ابهاي الخدمه - وبس هالخدمه اتعلي الشان
وحسين إليرفع خدامه - ويخلي الخادم سلطان
في حَياتي - أوْ مَماتي
وي لهفة الماشين - أوصل زحف لحسين
خُذْ وَلائي - كَرْبَلائي

مشاية اتگصدك أنصارك - عالعاده او رغم الأخطار
كل گطره إلسالت من نحرك - أنشوده ابدرب الاحرار
كل دمعه ابدربك محسوبه - وبكل خطوة انصيح الثار
ويتمنه العباس اچفوفه - من يسمع صوت الزوار
لاحَ ضَيْفي - أيْنَ كَفّي
وينادي دمع العين - أوصل زحف لحسين
خُذْ وَلائي - كَرْبَلائي

وبدرب الطف لاحت رايه - رفت بكثر من تصريح
تهتف لبيك او ثار الله - وين تميل يهب الريح
رايه وچف حيدر لازمها - من اطيح الگاع اطيح
إصغي وإسمع صوت الرايه - وينك ها يا المهدي اتصيح
شِبْلُ حَيْدَر - حينَ يَظْهَرْ
وينادي بالضلعين - أوصل زحف لحسين
خُذْ وَلائي - كَرْبَلائي

مولاي ابخدمة زوارك - صارت محسوده الخدام
كل ظن الظالم يرهبني - من أصدر حكم الإعدام
اتلگه الزاير بدموعي - هاك ارموشي اتغطى ونام
أتشرف بتراب أجدامك - وصفه اترابك للآلام
قَطْعُ نَحْري - تاجُ فَخْري
وينه إلمنعني وين - أوصل زحف لحسين
خُذْ وَلائي - كَرْبَلائي

من ابعيد إلگبرك أمشي - وأسبح من دمعي المسفوح
وأسمع صوت يجر ابروحي - وچف مگطوع هناك يلوح
يستقبل زينب والعيله - والموعد يم المذبوح
ونواسي السجاد ابصبره - ونداوي الگلب المجروح
صاحَ قَلْبي - أي وَرَبي
لو بالعمر يومين - أوصل زحف لحسين
خُذْ وَلائي - كَرْبَلائي



( للشاعر السيد عبد الخالق المحنه )
نسألكم الدعاء

المصدر: منتديات شيعة الحسين العالمية اكبر تجمع اسلامي عربي - من قسم: القصائد الحسينية

---

rwd]m oE`X ,Qghzd - ;QvXfQghzd l;j,fm