2014/02/09, 01:22 PM | #1 |
معلومات إضافية
|
حضر بالطف رسول الله وتحير الرادود باسم الكربلائي مكتوبة
حضر بالطف رسول الله وتحير الرادود الحسيني باسم الكربلائي حضر بالطف رسول الله وتحير ***** فگد جاسم أشد لو فگد الأكبر يدير العين هادينا ***** فگد بدرين هادينا حضر بالفاجعة الهادي ***** حزين بلوعته ينادي إجيت أرد أحضر أولادي ***** وگعد بين الجثث ينحب تفجر سيل عبراته ***** حفر بدموعه وجناته زفير النار حسراته ***** ضميره بالحزن يلهب گعد للأكبر ينظره ***** يشوف بهامته الطبره ويصد لجاسم بعبرة ***** يشوفه بالدما مخضب يحاچيهم وهم عالغبرة صرعى ***** غدى عليهم يصب دمعة على دمعة يتوجه وين هادينا ***** فگد بدرين هادينا حضن جثة علي الأكبر ***** يگل له يا ابني ما أگدر أشوفك بالدما معفر ***** دهتني مصيبتك يا ابني كلف يا الاكبر مصابك ***** صريع وبالدما خضابك يمينه انشلت الي صابك ***** تراه بگلبي صوبني من أشوفن وجهك الدامي ***** تهيج لوعة آلامي شباب وتنذبح ضامي ***** اش علامك ما تجاوبني حنى ضلوعه ويشم طبرة جبينه ***** يذوب الصخرة من جمرة ونينه ولاه البين هادينا ***** فگد بدرين هادينا گعد يم جاسم يشمه ***** حنى ضلوع الصبر يمه يخضب شيبته بدمه ***** يگل له يا ابني يا جاسم اجيت امسح ترب خدك *****واضمد بالدمع چبدك اش جرى لك يا بعد جدك ***** يا ريحانة بني هاشم يا ضي الي بيه تصد عيني ***** على دربي يدليني إش جرى لك ما تحاچيني ***** وتنشف مدمعي الساچب تغض وسفة يا جاسم عن جوابي ***** يعل لاجلك جرح لوعة مصابي حمل جرحين هادينا ***** فگد بدرين هادينا التفت للأكبر بونه ***** شطر مجرى الدمع منه يگل له بيش اهيجنه ***** جرح چبدي إلي يسافح دم وانت يا علي يمي ***** أشوفنك جسم مرمي يصب من منحرك دمي ***** موهو جسمي الذي تخذم يا نجمة من السما طاحت ***** يا دمعة من الجفن ساحت إش كثر روحي إلك ناحت ***** وما تسمع بواچي الهم سهم فگدك شعب گلبي ورماني ***** حزن جاسم مثل حزنك دهاني انرمى بسهمين هادينا ***** فگد بدرين هادينا يا جاسم يا هوى الي يسري ***** شفت دم رگبتك يجري توچيت بجبل صبري ***** يا ضي عيني الي أصد بيها لزفافاك جيت يا عيدي ***** جبت لك شمعتك بايدي بعد ما أدري يا اوليدي ***** هوى العاصف يطفيها علگتها بجمرة الدمعة ***** شلتها بروح منفجعة يا جاسم گوم هالشمعة ***** على گبر الحسن خليها يا من فگدك عصف ريح المصايب ***** زواج الهم طفح غيض النوايب انفجع باثنين هادينا ***** فگد بدرين هادينا التفت للأكبر يگله ***** عليك الحزن ما امله البيابي مدمع تهله ***** على ابوك الي بگى وحده ابوك حسين يا الأكبر ***** وحيد وحاطته العسكر رعاك الله لو أن تگدر ***** تگوم العسكر ترده من أشوفنه يهب نوحي ***** يهيج ساكن جروحي يا الأكبر هاك إخد روحي ***** وانهض للعزم شده النبوه انصابت لحال الإمامه ***** مصيبه والفلك غير نظامه حزن لحسين هادينا ***** فگد بدرين هادينا على جاسم روحه مهمومه ***** گعد يتمثل رسومه يگل له دونك الحومه ***** يا ريتك تنظر وتسمع تگوم لعمك تشوفه ***** عليه الجيش بصفوفه هجم وملوحه سيوفه ***** عليه رماح تتشرع وسف يخفي الأجل ونك ***** جواب أرجى صرت منك أظن يا ابن الحسن چنك ***** هنت لك نومة المصرع يا من عرسك صبح عرس المنيه ***** الك طابت رمال الغاضريه اله مصابين هادينا ***** فگد بدرين هادينا ******************************************** المصدر: منتديات شيعة الحسين العالمية اكبر تجمع اسلامي عربي - من قسم: القصائد الحسينية pqv fhg't vs,g hggi ,jpdv hgvh],] fhsl hg;vfghzd l;j,fm |
2014/02/09, 02:01 PM | #2 |
معلومات إضافية
|
بارك الله بك وجزاك الله خيرا
|
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ضلعك وضلعي/ الرادود باسم الكربلائي/ مكتوبة | النبأ العظيم | القصائد الحسينية | 1 | 2015/09/24 03:01 PM |
يم شاطي الصبر/ الرادود باسم الكربلائي / مكتوبة | النبأ العظيم | القصائد الحسينية | 1 | 2015/09/24 02:58 PM |
العلم عالگاع يا حيدر الرادود باسم الكربلائي مكتوبة | النبأ العظيم | القصائد الحسينية | 1 | 2014/02/09 02:09 PM |
يالقاصد لقبر حسين الرادود باسم الكربلائي مكتوبة | النبأ العظيم | القصائد الحسينية | 2 | 2014/01/28 03:53 PM |
ويلي على المسموم..الرادود باسم الكربلائي مكتوبة | النبأ العظيم | القصائد الحسينية | 2 | 2014/01/28 03:51 PM |
| |