|
2013/02/15, 02:02 PM | #1 |
معلومات إضافية
|
شعر عن العراق انتة اول وطن
انت الوالد اليحظن بديه وليدة وبنتة وبالتوحيد انت الشعب كلة بشيعتة وسنتة منهو الكال ناسيك هم ينسى الكَمر وكتة لو نبض الكَلب يتنكر لدكتة بس عشكَك عشكَ مفضوح وعشك الناس كلها مساتر وسكتة صرت انت سبت وبركَبة يهودي هم شايف يهودي يجوز من سبتة انت الفارس اليسبق هبوب الريح وما اظن خيل سابقتة وانت انت يرهم ترابك كحل للعين ودوا للما شفت علتة ومن طينك انحني جفوف المعرسين وكل اصبع فرح من تك طكَتة وانت ريحة ترابك ترد الروح هيل وزعفران وعنبر بشمتة ومثل تراب كاعك مالكَينا تراب يرهم للصلاة من طين تربتة انت ينام بيك المرتضى الكرار ابو الحسنين التلوذ الناس كلها بشارتة وبختة وانت ينام بيك بكربلاء حسين الما باع نطاقة وسلم ركَبتة (رقبتة) وبيك ظلت راية العباس لمن طاح ..... نزللة الفرات وباسه من شفته من طلعت منك يوم طرني البين كلبي وياي ماجبتة اثاريني نسيتة هناك عندك كَلبي امنته شتلتة بجرف **** الخير وي طين الشواطي شربكَتة وامتدت عروكَة بوسط ذيج الكاع ومن ماي الفرات و**** عمدته ولمن صار ينقل جدمة بين الناس اخذتة وياي للكاظم على الشباك زورته صح هسة اصبحت من وطن نيدرلاند هولندي الهوية وشعري جللته وصح تاقلمت وية الغرب فد نوب وصرت ماصخ مثلهم والملح عفته وصح صرت ارطن رطنهم لمن يرطنون ولسان العرب بالاعجمي كسرته لكن مدري شي يصير بية من يمر طاريك احس انك دفو تموز وحرته العالم نسى ايام اهدعش من ايلول (اهدعش= 11) وصارت بيك وبيك سالفته ناس تكول لازم نحتويه ونشفط البترول ونعوض الراح ونسرق بركته وناس تكول لازم هالحصار يدوم وناس تكول لازم ننزع اسلحته وناس تكول خطية اطفالة ماتو من الجوع وناس تكول حيل وياه ما حمد ربة وشاكر نعمته جيف انت حلو والدول منك تغار ما عدهم العندك من مجد نلته انت اول وطن ادم وضع جدمة عليه وكال يا الله ولنك وصلة من الجنه انت اول وطن حطة النبي ابراهيم ودعا ربة يصونة برحمتة وعزته وانت اول وطن مرسى لسفينة نوح وانت اول وطن النبي ايوب ناخت بيك راحلته وانت اول وطن علم العالم ابجدية ويكتب التاريخ وانت اول وطن قانون سننته انت اول وطن كًالتلة الشمس يمة صباح الخير انت اول وطن ماتشبة الاوطان سبحان ربي شلون صورتة صورتة العراق وبس علينة يلوكَ واحنة نلوكَلة لمن يحن وكته هذولة اهل الغدر من عندك شيردون يا هو صاح منهم ما اجو عندك جان جيبك موس الك لمن العرب ينخوك عزيز المال هيج وهيج طشرته لمن طحت محد اجى وكال عدعيناك ونزفك مثل دمع الشمع سقته بقيت وحيد مدمي بساحة الميدان واطفالك عليك بصفك ينوحون وانت تون ولا مثلك قبل مذبوح ونونته توجيت على جرحك كمت مهتميت خاف الشامت يشوفك طريح ويشتفي بشمته طبع بيك المكابر اكبر من الاه (بس) واكبر من غدرهم يا بختك انته جم غازي مر عليك وراح وتمر علية السنين ومتعمر بذلته صفو بالمزبلة ويلعنهم التاريخ تراب بلادنة يرفض جدم الغازي والمحتل تراب بلادنة غالي واغلى من عدنا ****************** الله اكبر ****************** مهداة الى وطني العزيز *العــــــــــــــــــــــــراق* مع خالص تقديري واحترامي منقول المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي auv uk hguvhr hkjm h,g ,'k التعديل الأخير تم بواسطة زهراء الموالية ; 2013/02/15 الساعة 02:04 PM |
2013/02/15, 02:03 PM | #2 |
معلومات إضافية
|
بارك الله فيكم وجزاكم الله خيرا
|
2013/02/15, 02:20 PM | #3 |
معلومات إضافية
|
|
2013/02/15, 03:52 PM | #4 |
معلومات إضافية
|
كلماات جميلة بحق الوطن راقت لي
شكرا لك ع روعة الانتقاء ودي لك |
2013/02/15, 05:13 PM | #5 |
معلومات إضافية
|
|
2013/02/15, 06:47 PM | #6 |
معلومات إضافية
|
كل الشكر والاحترام اقدمه لك على هذا الموضوع الرائع وعلى مجهودك
|
2013/02/15, 09:31 PM | #7 |
معلومات إضافية
|
يسلموو على طرحك الرااائع سلمت يمناك على الاختيار الاروع يعطيك الله العافيـــــــه |
2013/02/16, 10:40 AM | #8 |
معلومات إضافية
|
شكرا لمروركم على موضوعي وهذا شرف لي ووسام على صدري
|
2013/03/04, 10:34 PM | #9 |
معلومات إضافية
|
كلمات قمه الجماليه
جزاك ربي الف خير وننتظر جديدكم |
2013/03/04, 10:34 PM | #10 |
معلومات إضافية
|
كلمات قمه الجماليه
جزاك ربي الف خير وننتظر جديدكم |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
العراق// تظاهرات حاشدة تندد بفساد الحكومة والبرلمان تجوب شوارع محافظات العراق | حسن الشمري | السياسة | 4 | 2012/11/14 07:46 PM |
العراق /خطيب جمعة الديوانية يؤكد على ان العراق لا يستقر ولن يستقر ما دام يوجد اذناب ل | الشيخ البدري | الصوتيات والمرئيات والرواديد | 12 | 2012/10/22 07:09 PM |
صور من العراق | kh93lil | الصــور العامة | 10 | 2012/08/18 12:23 PM |
العراق /كربلاء طويريج امام الجمعة يحمل الحكومة مسؤولية تدهور الاوضاع في العراق | الشيخ البدري | الصوتيات والمرئيات والرواديد | 7 | 2012/07/29 07:23 PM |
| |