|
2014/01/06, 06:56 AM | #1 |
معلومات إضافية
|
قصيدة قم ياعلي للملا باسم ..من إصدار للبكاء بقية مكتوبة
قم ياعلي للملا باسم ..من إصدار للبكاء بقية قر القبر ياكرار وبناتك تعناها ... شوف شحالها بهالليل من ودعت ولياها ... يحيدر قوم من قبرك ... وأقصد كربلة الليلة شوف أشبولك بيحال ... وأسمع حنت العيلة جاسم قعد يم رملة ... والاكبر قعد يم ليلة لچن يجر حسراتة ... عليها وتهل عبراتة ... ليلة تشم وجناتة تنحب غدأت لفراقة ... وهو ينحب الفرقاها ... يحيدر واعتنة الليلة ... حسين الخيمة اعيالة نده زينب وأجت زينب ... لأخوها وقعدت أقبالة قام حسين يوصيها ... بذيچ الحرم وأطفالة يقلها والدموع أتسيل ... شوفي هالزلم والخيل ... يزينب بس سواد الليل باچر تهجم علينا ... وتجر كل روايها ... ياأختي وبينها وبيني ... تعمر حومة الميدان وأنصاري وأهل بيتي ... تمسي أموسدة التربان وأظل خلافهم وحدي ... وبية دايرة العدوان بالمثلث يصيبوني ... وأقع من ظهر ميموني ... إلوج ولا يرحموني وأظل مطروح وجروحي ... يزينب تجري أدماها ... يزينب بعد أرد أوصيچ ... لو شفتي الشمر يمي لا تلفين للحومة ... ياأختي بخيمچ تمي ماأريدچ تشوفينة ... وسيفة مخضب بدمي على صدري النذل يتربع ... يقوم بمنحري يقطع ... ليا الحرم من تفزع أخاف تشوفني بهالحال ... ياأختي ويكثر أبچاها ... قامت عالوجه تلطم ... وصاحت يعزيز الروح ياخوية شلون أشوفنك ... بعيني عالترب مطروح ياخوية من عقب عينك ... هاي الحرم وين أتروح يامظلوم باصرني ... بناتك لاتحيرني ... تراني الهضم يگتلني عقب عيناك هالنسوان ... ياهو البعد يحماها ... ياخوية اليثرب بهالليل ... سدر بالظعن بينا حرم بين الغرب يحسين ... ماتقبل تخلينا يقلها شلون أرد يختي ... الدروب املزمة علينا زينب بعد شيردنا ... هذا اليوم بية جدنا ... أنا أوياچ واعدنا أنا أنچتل ظامي ... وأنتي بولية أعداها ... للشاعر المرحوم السيد عبدالحسين الشرع المصدر: منتديات شيعة الحسين العالمية اكبر تجمع اسلامي عربي - من قسم: القصائد الحسينية rwd]m rl dhugd gglgh fhsl >>lk Yw]hv ggf;hx frdm l;j,fm |
2014/01/06, 06:57 AM | #2 |
معلومات إضافية
|
قصيدة رائعة وكلمات معبرة
شكراا على المجهود بارك الله بكم |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصائد إصدار :: تزوروني :: للملا باسم الكربلائي (( مكتوبة )) | بسمة الفجر | القصائد الحسينية | 6 | 2015/09/12 02:12 PM |
قصيدة ما ننسى رقية .. للملا باسم الكربلائي إصدار كلهم أولادي مكتوبة | النبأ العظيم | القصائد الحسينية | 1 | 2014/01/06 06:58 AM |
قصيدة شيعتي ياكرام للملا باسم الكربلائي من إصدار وحي القوافي مكتوبة | النبأ العظيم | القصائد الحسينية | 1 | 2014/01/06 06:54 AM |
كلمات إصدار ( رأيت الحسين ) للملا باسم الكربلائي | بسمة الفجر | القصائد الحسينية | 1 | 2014/01/06 06:53 AM |
إصدار شجرة الأراك للملا باسم الكربلائي " كــاملا | بسمة الفجر | باسم الكربلائي | 3 | 2012/11/14 09:58 AM |
| |