2013/07/26, 04:47 AM
|
#1 |
|
موالي ذهبي
 
معلومات إضافية
 رقم العضوية : 1666
تاريخ التسجيل: 2013/06/29
المشاركات: 1,140
المستوى :
 
|
نظل وياك ** على ممشاك ** أجينه أنعاهد الكرار
نظل وياك ** على ممشاك ** أجينه أنعاهد الكرار ************************** (1) يحيدر جينه متعنين ... أجينه لبابك أندكه كصدنه لبيتك أنزوره ... نشكيلك ألم فركه ضيوفك أحنه هاليلة ... نود شباجك أنشبكه نسولفلك ألم وأسرار ** ظلت شاخصه الأبصار نظل وياك ** على ممشاك ** أجينه أنعاهد الكرار (2) سوالفنه بدموع العين ... نحجيلك يداحي الباب أجينه والكلب مجروح ... ضيفك لا أبد ما خاب نترجه الفرج هاليوم ... تفتح للفرج أبواب نخينه ياعلي الكرار ** لتخلي الكلب محتار نظل وياك ** على ممشاك ** أجينه أنعاهد الكرار (3) دنيانه أمتلت بالجور ... والدمعة بكت بالعين نحلفك بالظلعها أنصاب ... ونحلفك بالحسن وحسين من أهل الظلم والشر ... تخلصنه يبو الحسنين يحامل راية المختار ** خيبر ظل ألك تذكار نظل وياك ** على ممشاك ** أجينه أنعاهد الكرار (4) عالقمة تظل أنته ... ونظل بحماك ياحيدر سطع نورك على الأكوان ... ومجدك ياعلي يكبر يسر ومحد أيعرفك ... يبحر إمن العلم وأكثر يسيف محطم الكفار ** أجينه لحضرتك زوار نظل وياك ** على ممشاك ** أجينه أنعاهد الكرار (5) عادونه بسبب حبك ... وتحملنه ألم وأحزان شما دار الوكت بينه ... يظل بأسمك العنوان ماخاب التمسك بيك ... يشيد حبك البنيان يحيدر مادريت أشصار ** علينه أتحزموا الأشرار نظل وياك ** على ممشاك ** أجينه أنعاهد الكرار (6) نزل سيف المنية وطاح ... عليك بساحة المحراب بجة جبريل من أجلك ... يسر محير الألباب ألف وسفه أنجهل قدرك ... وراسك بالغدر ينصاب تظل أنته علم للدار ** وكبرك للحشر ينزار نظل وياك ** على ممشاك ** أجينه أنعاهد الكرار (7) مهما أنشوف ألم وأحزان ... نظل للموت منعوفك ينشدونه نحبك ليش ... نحن لشوفة أطيوفك لأن من الزغر وياك ... علينه بصمة أجفوفك بالدنية نظل خطار ** وباجر تشبح الأنظار نظل وياك ** على ممشاك ** أجينه أنعاهد الكرار (8) يحيدر والدموع أتسيل ... أجينه إنواسي بمصابك أجينه والكلب ملهوف ... نشم بلهفة محرابك تمنينه الفرج منك ... وكفنه بعتبة أبوابك ننادي بلهفة وبأصرار ** اليحبك ماتمسه النار نظل وياك ** على ممشاك ** أجينه أنعاهد الكرار المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي k/g ,dh; ** ugn llah; H[dki Hkuhi] hg;vhv 
التعديل الأخير تم بواسطة الشاعر خضير المسيباوي ; 2013/07/26 الساعة 04:51 AM |
|
| مواقع النشر (المفضلة) |
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ويلي على الكرار | جراحي كربلاء | باسم الكربلائي | 6 | 2012/10/25 05:56 AM |
| انا مدينه العلم | جراحي كربلاء | باسم الكربلائي | 1 | 2012/08/20 02:21 AM |
| هذا انته يبن الكرار اول بنيني | جراحي كربلاء | باسم الكربلائي | 1 | 2012/08/19 11:52 AM |
| مدينه الامام علي (ع) | محبة الاحزان | المـدن والأماكن المقدسة | 6 | 2012/07/22 03:24 PM |
| مدينه *بيرغن* | احباب الحسين | السياحة والسفر | 7 | 2012/07/04 05:09 PM |
| | |
العرض الشجري