|
|
أدوات الموضوع | انواع عرض الموضوع |
2014/04/27, 10:37 PM | #1 |
معلومات إضافية
|
حرت ما بين أبطل بين أجاريك بسك يا شعر محتاج راسي أنه لساني متر والموت شبرين
حرت ما بين أبطل بين أجاريك بسك يا شعر محتاج راسي أنه لساني متر والموت شبرين وخايف على أطفالي من السياسي كلشي يجوزلك واشتكتب يجوز فدوة أرجوك بس عوف الكراسي اكتب عالغزل عالفرح عالخير لأن شعبك ولا شايف مآسي البصر مرات يخدع بالك تشوف باوع عالوضع بعيون حولة اغمد سيف حرفك بالك تثور العمر مرهون بالحرف التكوله النفط والغاز يوصل بالأنابيب بس عن الحسد خلينه جولة لاتهدد صرح يلسقفك تراب عندي أطفال مو وكت البطولة ترف جلد الحياية ارسمهه وتعيش أموتك يا قلم من ترسم طيور حاير بالوطن شعليك ؟ شتريد ؟! بيتك من خشب لتسب القصور عمر صار أربعين نعيش عميان تعلمنه العمى شيفيدنه النور ! شعليك الحواجز حاطن البيت عندك بيت خاطر تبجي عالسور ! الناس بلا عقل لا تنصح الناس منو أنت تجي وتريد تفسير بالك تنتفض فكرك ترة تروح اشبي هسه الوضع وتريد تغيير ! ابتلى المسئول بلوة بحصة الناس ! بشر هوة شني المسئول شيصير ؟؟؟ الحصة اللي تجي والما تجي تهون علي مو جان ياكل خبزة شعير ؟؟؟ امدح لا تذم المدح هم زين يسقط هالشعب تحيا السياسة ! اجة نص الأمان الباقي هم جاي سولف عالوضع بس بكياسة المعلم خل يموت يطبه طوبين نحير بروسنه لو بالدراسة ! ولك بيع البلابل والحمامات الحمامة تفيد لو جلب الحراسة ؟ ! ولك لو بيك حظ سويتني انسان بسيطة أحلامي عايش عالأماني عايش عالحجي ولساني محبوب أعيش اببيش إذا كصوا لساني ؟ حلم عندي اعوف الشعر وأرتاح واصفك حالي حال البرلماني !!! المصدر: منتديات شيعة الحسين العالمية اكبر تجمع اسلامي عربي - من قسم: الشعر الشعبي pvj lh fdk Hf'g H[hvd; fs; dh auv lpjh[ vhsd Hki gshkd ljv ,hgl,j afvdk |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
النبي ايوب بن موص بن رازح | النبأ العظيم | المـدن والأماكن المقدسة | 2 | 2014/01/07 11:06 AM |
رساله الى لساني | شيعة الحسين | المواضيع الإسلامية | 2 | 2013/06/12 12:06 AM |
رسالتي الى لساني | زهراء محمد | المواضيع العامة | 8 | 2013/05/26 06:10 PM |
كيف نفرح ... والموت من ورائنا ... والقبر امامنا ... والقيامة موعدنا | لا مولى سوى الله | المواضيع الإسلامية | 5 | 2013/03/08 04:02 PM |
** حوار بين الحياة والموت ** | ابو الرضا المدرس | المواضيع العامة | 8 | 2012/07/27 02:28 PM |
| |